林正峰為母親打3份工幫補家庭經濟

避談是否演藝工作不夠 直認未有能力拍拖怕連累對方

30歲林正峰早前被指要為生計打兩份工兼食平價米線，昨晚（25日）他為《大師兄Thank You Very Much 感謝祭》錄影，見他身形瘦了不少，問到是否捱到瘦？

他否認，並指自己一直都是這樣工作，而收工後也有去做健身，林正峰指現時除了做藝員外還有兩份副業，包括社工和補習，而每天睡6小時也足夠。

問到是否經濟壓力大？他表示自己的開支不多，現在想儲錢和賺多些錢養家：「屋企有我同家姐，不過最主要係媽媽，因為媽媽身體有事唔可以做嘢，細個我哋就攞過綜援。（公司唔夠嘢做？）敏感問題唔可以答，不過唔緊要，有就有冇就冇，呢邊我哋係被動，但另一邊可以主動爭取。」

林正峰又謂做了社工8年，就算之後要到內地拍《新聞女王2》，也可自己調節時間，但詳情就要等公司安排。

林正峰想專注儲錢

林正峰又笑言大部份人都會食米線，自己平常也食得不奢華，大多是食快餐和車仔麵，自己對食也沒要求，更坦言返工時慳得就慳，因不想在平日食飯方面浪費錢，寧願跟朋友出外時才使錢。

又指現時冇拍拖是因為想專注儲錢：「我驚會連累人，拍拖要約會要禮物，我覺得我自己未有能力比幸福人嘅時候，不如做好自己先，等自己儲一筆錢再考慮其他嘢。」