水餃皇后丨譚俊彥為劇集留鬚老婆仔女唔畀錫

朱敏瀚避談陳曉華有否睇新劇 羅毓儀想脫單鄺潔楹望開拓日本市場

譚俊彥、朱敏瀚、羅毓儀、鄺潔楹出席電影《水餃皇后》慈善首映禮，譚俊彥表示屋企小朋友今日放假，收工後就會接他們去玩，早前復活節假期都有帶小朋友上深圳。

又透露最近忙拍攝新劇《新聞女王2》，要深圳、香港兩邊走，揚言返香港就要睇朱敏瀚的新劇，笑對方在劇中有不著衫場面。

朱敏瀚、王敏奕演CP係新嘗試

譚俊彥要為《新2》保持留鬚造型，他笑言最近小朋友怕了他的鬚很刺，不准他錫錫，連老婆都不准他錫，劇集要拍到7月左右，起碼有兩個月不可錫錫，笑言唯有趁小朋友睡覺時「攻擊」他們。

朱敏瀚談到新劇《虛擬情人》與王敏奕飾演CP，很開心觀眾鍾意兩人一對，是公司新賞試的新組合。被問到陳曉華有否睇劇，朱敏瀚避談指TVB員工都要睇，記者指曉華身分不同，他繼續避談指同事朋友都要睇。

羅毓儀讚節目多「筍盤」

羅毓儀最近有份參與綜藝節目《女神配對》，大讚好多參賽者是「筍盤」，不少人多才多藝亦有醫生、律師等專業人士，發覺好適合自己，因為鍾意才華型。

不過節目組禁止參賽者之間私訊聯絡，因節目是真人騷，進展要在節目內發生，她又坦言好想脫單，覺得好寂寞，好想戀愛投入粉紅泡泡世界。

談到「水餃皇后」的故事，羅毓儀覺得好勵志，羨慕對方由街邊檔做到有過億身家，可惜自己不叻投資，笑言可以做「雲吞公主」。同場的鄺潔楹透露有做老闆投資時裝生意，3年前由網店發展到去年開實體舖，很多為驕小女子而設的衫，想開拓日本市場。