王君馨今個月預產期　孖老公撐檯腳慶生繼續曬肚皮

藝人王君馨（Grace）為圈外老公Daniel佗B，今個月就系預產期，安心等生B女嘅佢已經肚大如籮，不過佢都仲系冇時停，繼上次弔帶曬肚皮賀衛蘭、衛詩生日後。

依家輪到佢前日（5日）39歲生日，開心慶生嘅佢扮靚靚同老公食飯，享受最後一個二人世界嘅生日飯。

佢自爆自己做足全日家務、準備BB房、搞新公司set up等，到咗夜晚就同老公食個靚飯，又忙開心。而佢亦例牌特意掀起上衣，曬出大大個肚皮畀大家睇，開心分享佢肚凸凸嘅時光，非常開心。