53岁袁咏仪唔介意忽然有喜 跟18岁囝囝有代沟 指张智霖“佛系”

53岁袁咏仪唔介意忽然有喜 跟18岁囝囝有代沟 指张智霖“佛系”

53岁袁咏仪（靓靓）于马来西亚电影《OMG！阿妈有喜》中，与当地演员黄洁琪（Miko）演母女，她指今次拍摄过程开心，最初不太习惯拍摄节奏慢，她说：“只得我一个香港演员，初初都唔习惯，心谂可唔可以拍快啲？不过又明白当地文化。”

为了与戏中女儿黄洁琪的对手戏效果更好，她亦提议某些场口讲对白节奏快一点：“如果同阿妈驳嘴，唔可以慢，慢左感觉就会争啲，要驳阿妈要即刻驳，驳到阿妈闹唔到先叫好。”

Miko大赞“阿妈”袁咏仪好好：“拍摄前知道是靓靓姐，其实劲紧张，惊讲对白食螺丝，拍完第一场戏之后，反而觉得有靓靓姐喺度就唔惊，NG好少。”她指首次与袁咏仪见面时，不敢主动开口，最终是对方开口打破隔膜：“因为靓靓姐有气场，我成个人惊到静静立正。”

现实中Miko有家姐和妹妹，她称演出这部戏时，也心想如果妈妈现在生多个，她一定接受不到，因为惊妈妈当高龄产妇辛苦。

袁咏仪则表示即使去到现在这个年纪，忽然有喜也不介意，她说：“因为本身好钟意小朋友，但我咁慨岁数，要有计划去做先得，养同教系好大责任。”她指经常和18岁的儿子表示，现在已经是独立个体，她也理不到太多，已尽了做父母的责任，后面的路由儿子自己去行，她说：“如果我家有左慨话，都希望真系可以陪到18岁。”

她透露也曾和老公讨论过这件事：“大家都知道张生（张智霖）几佛系㗎啦！如果我有左，佢真系冇所谓，50岁之前我都仲好想，但老公只提左一句，佢问我系咪唔记得考学校系点？无奈个天觉得，我都系照顾一条友就够喇﹐有段时间我想生多个，都有同当时8岁仔讲呢个计划，但失败左，阿仔仲喊得痛苦过我，唔紧要啦，都努力过。”

她指老公经常讲，过多几年有机会抱孙，但她认为儿子应先放眼世界：“即系唔急，可以过多几年先，当然唔希望儿子30岁先生育，到时我惊冇力帮手凑。”

袁咏仪坦言与儿子有代沟：“点会冇呀！梗系有啦！我已经尽量扮后生，争在未喺屋企著短裙。”她指老公除了头发和须根白，基本上个脑没有老过，仍然很年轻，十分贴合儿子想法：“佢的感情好啲，初初有妒忌，家冇，好处系我比较严厉少少，有时同阿仔有冲突，老公就可以担当缓冲桥梁，有时想知儿子慨野，唯有喺老公口中套出嚟，佢由阿仔出世开始就做好人，冇做过坏人，但我仍然觉得阿仔终有一日当父亲会明白，作为父母唔可以随意放手冇规矩。”

谈到港产片量愈来愈少可会感慨？靓靓认为每一个地方都有转变期：“现在好似另外一个年轻时代，睇到最近有好多新题材电影，有好多新导演，以前嗰批导演都系咁样开始做，新导演开始将香港好多唔同文化继续拍出嚟，我觉得要一步一步嚟，不只香港电影，个大气候都系咁，大家努力。”