趙浚承落敗證無內定黑幕︰我爭啲都以為自己冠軍

不知明星足球隊捧場想問阿倫意見 留港發展有機會全家回港

《中年好聲音3登峰之戰》昨晚（11日）假啟德體藝館舉行，雖然早前爆趙浚承得譚詠麟背後發功成內定冠軍，而明星足球隊也有拉隊到啟德撐場，但可惜趙浚承在第一輪後已被淘汰。

趙浚承完成比賽感釋放

完場後，趙浚承表示對賽果沒有失望，也笑指証明沒有內定，提到明星足球隊拉隊來撐場，他驚訝地說：「冇話我知，可能驚畀壓力我。我都將個幾禮拜所有子彈、槍、箭，被插中那些東西，透過呢首歌（《我》）釋放出嚟，我覺得其實都幾圓滿。」

趙浚承覺得自己在台上發揮OK，不緊張之餘也能夠將感情釋放，自己也有享受這個場館，又謂太太對賽果沒有失望，傳訊息指他做得好好，是自己心目中的第一位。

他透露自己會簽TVB，之後的日子可能也會北京香港兩邊飛，若將來要繼續發展這事業，到時太太和小朋友也會可能返港，至於是否會問譚詠麟意見？

趙浚承坦言會，因為也想知他對自己的評價：「之前佢好少評價我，佢費事俾壓力我，完左我可能會問，因為佢一直都冇同我講，踢波經過只系講加油。」