宋宛穎梁凱晴邵初抗拒「收兵」 開心受重用為事業唔拍拖

曾志偉上場後重用年輕藝人，所以今屆3位港姐，冠軍宋宛穎(Sabrina)、亞軍梁凱晴（Carina）及季軍邵初（Kristy）都備受重用，Sabrina及邵初率先有機會做主持。

文章來源：TVB資訊台 W博：@香港TVB資訊台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

工作癮極大的Sabrina希望虎年日日有嘢做，至於梁凱晴及邵初同樣話會專注事業，唔打算拍拖。三人承諾會互相照應，謝絕「收兵」。採訪：方騫平 攝影：葉君海

第5波疫情嚴峻，宋宛穎、梁凱晴及邵初異口同聲希望虎年身體健康，疫情快啲過去，邵初明白到疫情期間大家心情難免會反反覆覆，唔多開心，她希望大家心裏面能夠得到平安。

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

宋宛穎恨日日開工

疫情下Sabrina部份工作要延期，她希望工作順順利利，每日做到唔使休息：「因為做完《開運王》後覺得自己太得閒，唔可以咁呀，我要日日做嘢。」

提到Sabrina主持表現獲讚淡定，Sabrina感謝薛家燕及周志康畀到她自信：「尤其家燕姐成日話以我為榮，其實佢係我學習目標，佢咁嘅年紀仲咁有活力。」

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

梁凱晴邵初做自己

至於梁凱晴期待儘快拍劇：「聽聞公司稍後會安排我客串，體驗一嚇拍劇，希望演出前可以上到藝員訓練班。」

原來有打開泰拳嘅梁凱晴中王君馨打女空缺，好想拍打戲。

而邵初主持《識貨2》玩遊戲時投入到冇曬港姐包袱，令觀眾有驚喜。

她開心說：「公司畀機會就要盡力，唔會因為係港姐唔可以Fun，而且有少少係做返自己，我本身係個開朗嘅人，好開心能帶出歡樂，如果全程要丁字腳賣嘢會好攰。」

唔可以利用人感情

講到三人唔止有樣有身材，仲係高學歷，應該有唔少桃花。三人卻堅稱以事業為重冇諗過拍拖。Sabrina強調冇人追；梁凱晴認為要以事業行先；邵初覺得女性都要有事業，感情隨緣。當問到唔拍拖，但會唔會「收兵」？三人即耍手擰頭Say No。

梁凱晴強調冇試過；Sabrina反對說：「我冇呢個概念，嘥埋自己時間。」邵初對呢種行為好反感：「唔好利用人感情，咁對人唔好，唔得㗎！」

Sabrina還自爆：「我哋習慣咗自力更新，我甚至會自己搬傢俬。」梁凱晴及邵初強調三人會互相照顧，唔使要「兵仔」。