劉穎鏇劇集大減產年尾得一部 靠拍綜藝撐住：要睇嚇幾時有劇拍

劉穎鏇（Tiffany)今日（19/5）現身將軍澳電視城出席無綫節目《警聲百二秒》宣傳活動。

Tiffany接受《香港01》訪問時透露，指自己透過節目加深了解警隊多元化工作，亦提升了防罪意識：「之前我有收過有啲朋友通知，因為撳咗一啲不明來歷啲Link，然後手機就被人操控咗，咁所以之後我一見到啲可疑嘅Link，我都唔會亂撳落去，就算電郵我都唔會開。」

劉穎鏇與警務處處長周一鳴先生合照

提到今年劇集減產，Tiffany表示未有擔心：「據我所知今年年尾係會開拍《飛常日誌2》，但而家暫時係睇嚇幾時會有另一套劇拍咁樣。

（點打發時間？）冇呀，暫時我都係拍啲綜藝節目，就好似之前咁就拍咗《一日打工限定》，令我體驗到點樣去做飛機維修員。而家公司開多咗啲綜藝節目，我係覺得好有趣。」