朱敏瀚靠登台增加收入　唔介意有熱情客戶：全靠佢哋先有機會

朱敏瀚今日（21日）在城大連接又一城的「明日創新」隧道行catwalk，他透露小時候曾經做過模特兒，所以打扮不需太性感，問到如果有品牌找他catwalk，但需要打扮十分清爽，他即做出數錢的手勢並笑言「一定會考慮」又解釋近年自己拍劇都不時除衫，所以應該問題不大。

提到袁偉豪早前表示因TVB人事變動關係而令自己大幅減產，朱敏瀚表示自己曾因《都市閒情》而無劇拍：「而家開劇無以前咁頻密，但每套都有質素，希望大環境會好啲，演員真係好被動。（一年一劇下，點賺錢？）我最近有唱歌，亦多咗社交平台宣傳，以前播劇，真係可以喺屋企睇，而家要搞好多嘢宣傳，唔可以太單一。」

朱敏瀚又指因為喜歡唱歌，所以十分樂意做登台工作，而且亦不擔心會遇到熱情客人：「全靠呢啲客先多啲機會。」