TVB“细细粒瘦身成功华丽变身！通过媒体正式发起征婚

2025-05-26 于晏 2291

王祖蓝点解阻止拍纤体广告细细粒想透《明周》征婚│封面故事

现年三十九岁的“细细粒”陈嘉佳，由二三年八月开始减肥，经过一年零八个月，五月二十九日踏入四十岁的她，终于穿上真正的泳衣拍下成果。

这趟减肥之旅，“细细粒”受到大家重新关注，然而，减肥后的她并没有变了模特儿身材，但彻彻底底重拾健康和自信，并希望大家记起她的演员身份，发掘她更多的可塑性，四十岁，准备重启第二人生。

为了解自己的肥因，细细粒都研究了一段时间，“我减到开始怀疑人生，有日同阿妈倾偈，我问佢其实我系咪真系由细已经咁大食？阿妈话我六个月大，可以食到三碗皮蛋瘦肉粥，两岁去饮茶，一个人食晒一个白色陶瓷碗慨凤爪排骨饭，仲要将同台uncle嗰啲凤爪排骨都食埋，阿妈仲记得我六岁，煮饭煎鸡翼，嗰时一磅鸡翼应该有十五只左右，佢就要买一磅半至两磅先够我食，原来我由细到大都未试过肚饿，我依家都会食，不过我识得饱喇终于，唔识饿同唔识饱系一个好严重问题。”

今年二月，细细粒出席卫诗雅的婚礼，一到场大批传媒便哗然！连容祖儿见到她都忍唔住话︰“哗！你瘦咗好多呀！”当时本刊记者被安排与她同台，整晚细细粒都真系乜都食少少，“嗰阵系再瘦啲，一百三十八磅左右，但睇起上嚟个样好恶，唔钟意，依家咁我觉得ok。”

王祖蓝点解阻止拍纤体广告

细细粒续说︰“而家四十岁，又未结婚、又冇小朋友，我觉得自己仲有体力，身体又健康返，所以其实我想拍番嘢，咁多年大家仲系记得我‘Vivienne’呢个角色，点讲呢？其实入行咁耐，我拍戏慨日子真系唔多，真真正正拍戏都系拍咗三、四年，你问我依家瘦咗啦，可能肥我都未想会继续去拍嘢住，因为都系延续于一个搞笑慨角色，只不过由三十岁慨搞笑肥妹，变咗四十岁搞笑中女，我想拍啲认真演戏慨角色，其实十年前我都有一个机会……”

细细粒加入无线第二年，拍下《老表，你好嘢！》和《My盛Lady》后就很快“入屋”，那时坊间仍然流行很多纤体广告，当时张玉珊亦亲自出面邀请细细粒减肥，“我想减㗎，由细到大都想瘦，嗰阵时张玉珊同我讲会帮我减到一百二十磅，仲有七位数字代言，系呀！好吸引！嗰时我先廿九岁，我记得我哋第一次见面喺半岛coffee shop，之后上咗尖沙咀慨纤体公司，见晒佢哋成个团队，我谂有十几个营养师，过程系好愉快好开心，心谂，哗！

拍完电视剧之后，即刻可以减肥成功，我记得我同张小姐嗰阵仲开咗个条件，我话我想拍套电影，好似《瘦身男女2》由肥到瘦都要我自己演，张小姐竟然都答应咗，咁点解到最后唔成事呢？因为我入行经过所有嘢都系多得祖蓝，见完张小姐之后，我同祖蓝倾，祖蓝系reject叫我唔好减，祖蓝同我讲，‘细细粒’仲可以带俾你好多想像唔到慨嘢，佢话我可以选择转型，但未必系呢个时候，咁的确，之后慨‘细细粒’带俾我好多嘢，呢个名到依家都十年啦，带俾我慨收入都肯定多过七位数字。”

“《明周》可唔可以征婚㗎？”

细细粒是首批在内地做直播的艺人，亦是少数仍然在直播圈能够生存的艺人，她坦言，并不是大家看到的简单容易，“唔系大家想像得咁好，如果唔系，个个都去做啦，真真正正艺人走去做直播其实好少，你要遇到一个好慨团队、好慨公司，先集合到一啲好慨产品，仲可以俾你拣，一开始我系因为遇上疫情，个个都留喺屋企，好需要食物，我遇上一个好好慨机会，咁后期咁多人做直播，个个都卖，我做咩要买你那些？