一向好仔的伍允龍，自從與鍾嘉欣分手後都未有再公開過新戀情，早前他被拍到與一名女子同游迪士尼而傳出有新女友，雖然女方戴住口罩未能睇清樣貌，但二人狀甚親暱。

他其後出席活動時只承認陪對方去玩，但對於是否「戀人未滿，友達以上」時，他則耍太極說：「中文好深，唔係幾明。」不過他當時已自爆5月27日會入場睇林峯演唱會，被問會否帶女伴睇騷，他說：「睇嚇點啦。」

昨晚伍允龍果然現身紅館觀眾席，而女伴竟是去年與同性密分手的李蔓瑩（Renee）。二人坐在Panel下位置齊齊睇Show，全程言談甚歡、交頭接耳，Renee更不時含情脈脈望住伍允龍，常常被男方說的話逗得很開心，四周彷彿充滿住粉紅色泡泡。

而其實二人已非首次一齊去睇Show，上月謝霆鋒演唱會，《01娛樂》記者都見到二人孖住睇騷，完場更不避嫌一齊走，現身啟德外與其他觀眾一同離場。

雖然伍允龍與Renee從表面上看似大纜都扯唔埋，但據知他們之所以相識，是因為伍允龍拍打機片要尋找一位識打機的女生，於是透過中間人認識了Renee，志趣相投，一拍即合。

而戀情曝光後，伍允龍大方認愛，更承認之前同游迪士尼的其實都是Renee。

他說：「各位傳媒朋友大家好，好多謝大家最近嘅關心，噚晚同我一齊出席演唱會嘅，係我女朋友Renee，亦都係較早前一齊去迪士尼玩嘅朋友，最近透過朋友介紹認識開始拍拖，希望嚟緊大家都俾多啲時間同空間我哋，多謝大家！」恭喜恭喜！

伍允龍女友李蔓瑩被揭超多黑歷史！直認雙性戀與楊天命有神秘關係

現年47歲的伍允龍自從與秘戀8年的鍾嘉欣分手後一直未有再公開過新戀情，入行以來半紅不黑，直至去年才憑電影《九龍城寨之圍城》扮演奸角「王九」一角而人氣急升，他靠精湛演技及斯文外表成功圈粉。

感情生活一直低調，之前曾跟劉佩玥傳緋聞，但就沒有公開認愛，直至日前他終於親自證實與細自己13年「宅男女神」李蔓瑩（Renee）的戀情！

伍允龍認女朋友係李蔓瑩Renee

對於新戀情，伍允龍回覆《01娛樂》說：「各位傳媒朋友大家好，好多謝大家最近嘅關心，噚晚同我一齊出席演唱會嘅，係我女朋友Renee，亦都係較早前一齊去迪士尼玩嘅朋友，最近透過朋友介紹認識開始拍拖，希望嚟緊大家都俾多啲時間同空間我哋，多謝大家！」

而Renee曾坦言自己是雙性戀，曾與TVB體育主持鄺家銘(阿占)拍拖，其後再跟同性富貴髮型師Joe拍拖4年，不時在社交網高調放閃。

去年，Joe卻突然在IG寫道：「有老婆都介入人哋嘅感情，損人而不利己，真係若要人不知，唔好太低b」。不過未幾又刪文，Renee即被冠上「搭上人夫」之名。之後又有網民爆出其實Renee一早有前科，Joe和Renee拍拖之前，其實也是有正印女朋友的。

楊天命指李蔓瑩Renee是契女

而楊天命去年公開指Renee是他的契女：「我哋10年前已經上咗契，但我哋冇話比人知，因為10年前有朋友介紹，我話我發覺同你有少少似，如果我生個女應該同你咁靚，佢話係呀，我哋鼻哥都好長，都幾似。」

而楊天命就批Renee將於去年遇上真命天子：「做老豆都希望你今年搵到好人家。」