莊子璇被指與郭晉安譜「父女戀」　 6字形容家人睇到報道後反應

莊子璇（Hilary）今日（5/6）現身將軍澳電視城出席《2025香港小姐競選》「全球招募 最後召集」記者會。對於近來被傳與郭晉安「父女戀」，惹全城熱話。

莊子璇接受《香港01》訪問時表示：「屋企人應該有睇到相關報道，但佢哋就完全冇問過我呢件事。（提都冇提過？）因為大家都知道唔係真。（一句半句表態都冇？）一句半句都冇。」

對於「父女戀」事件家人隻字不提，會否感到意外？

莊子璇表示：「唔會，因為佢哋從來都唔會問我呢啲嘢，同埋之前啲新聞都唔會問我。（會唔會關心工作辛唔辛苦？）咁呢個會，經常都會問我攰唔攰呀，同埋無論幾多點，夜到1至2點，媽咪都會出嚟」問我飲唔飲湯，肚唔肚餓。」

林作母王莉妮公開麥明詩B樣捱批 馮盈盈12字吐感受

「十優港姐」麥明詩同老公盛勁為去年結婚後，不足一年宣布懷孕。今年3月21日麥明詩順利誕下BB，但一直保持神秘未有公開BB性別及樣貌。直至早前麥明詩帶住BB與前男友林作的媽媽王莉妮見面後，王莉妮火速在社交平台公開BB正面照，令麥明詩兒子樣子曝光。

網民見狀卻群起鬧爆，留言斥王莉妮不尊重，相關照片一小時後被刪除。

馮盈盈今日（5/6）現身將軍澳電視城出席《2025香港小姐競選》「全球招募 最後召集」記者會。對於好姊妹麥明詩愛子樣貌被公開，馮盈盈接受《香港01》訪問時表示：「其實我想睇麥明詩個B嘅時候，發覺張相原來刪走咗。

（網民覺得公開B樣唔尊重！）咁呢樣嘢要問返當時人先知，因為我自己冇咁嘅經驗，加上自己又未有B，都唔知應該點處理喎。（成件事好嬲定好笑？）我覺得⋯⋯⋯因為我連相都冇睇。（係咪真係唔尊重？）我諗都係要睇當事人點睇同點樣諗。」