戴祖儀單身3年 1個原因被踢出《女神配對計劃》 吳業坤獲讚靚仔過張振朗

吳業坤（坤哥）、戴祖儀、林保怡、張振朗、陳自瑤等演員一齊宣傳劇集《刑偵12》，對於有劇迷指，劇中坤哥靚仔過振朗，戴祖儀深表認同。

戴祖儀慢慢揀對象

戴祖儀笑稱坤哥靚仔，指他由實力派變成偶像派。吳業坤之前增磅到86kg參加空手道比賽，戴祖儀又笑他胖了，坤哥表示︰「但係唔怕啦，而家有演技搭夠，都好多謝導演發掘我靚仔呢一面。」

戴祖儀最近好開心，演技受到劇迷讚賞，她表示有很多崩潰爆喊戲，深層次的內心戲，情緒不斷轉換，拍攝時好緊張，最後一Take過。

對於被指原本有份參與新人Show《女神配對計劃》，戴祖儀表示因為工作撞期而未能參加。

問到是否因為不是單身而被踢出節目？她強調自己單身三年，笑言節目播出後，很多人說介紹對象給她，說突然有很多男士對她有興趣。

戴祖儀表示最近除了返工和返屋企外，都會同朋友食飯，有正常社交。