湯洛雯生日馬國明送20萬Hermès唔係最勁　呢樣畀埋佢真係一世無憂

馬國明與高海寧今日出席TVB 內聯外通新篇章大灣區影視華采發布會，問咗馬國明有否多練習普通話？高海寧即說：「佢叻咗好多喇。」馬國明說：「啲觀眾好鍾意我嘅港普。」

提到早前王浩信於內地綜藝跳網紅舞，馬國明說：「我都有跳，之前宣傳《執法者們》上咗《今晚好犀利》跳，但係我跳舞唔掂，嗰次都無練過，打天才波。（跳唔跳到王浩信嗰啲？）嗰種我唔得。」

馬國明之前在微博發文被網民笑，對此他說：「我知咩事，嗰篇文係宣傳部畀我嘅，我唔睇就出咗，之後先知原來有啲嘢要刪嘅，但係啲粉絲鍾意，睇得好開心，公司叫我刪，咁我就刪咗。我唔介意畀網民笑，每次有呢啲宣傳稿我都係copy & paste，下次公司要執咗先send畀我。」

問到馬國明是不是送了一個價值20萬的Hermès手袋給老婆湯洛雯做生日禮物？馬國明想了一想說：「秘密，我送咗好多嘢畀佢㗎，我成個人都係佢嘅。（成副身家畀曬佢？）係呀，兩公婆無計，一世㗎嘛。」高海寧亦說：「我證明佢講嘅係真話。」

馬國明又謂月尾會同老婆湯洛雯一起去馬來西亞工作，感到很開心，是兩人首次一起出trip工作，坦言想有多些這種機會，又大讚老婆唱歌很好聽。問他可會自薦帶老婆一起上內地綜藝節目，他說：「我唔會自薦咁cheap。」至於何時生BB？馬國明表示隨緣。

高海寧就表示早前出trip去英國非常好玩，周嘉洛與黃庭鋒是很好的「腳」，他們還在天台游繩下來，很難忘。

問到利物浦勝利巡遊當日有車衝向人群的意外，高海寧表示他們當時與事發地點有20分鐘距離。另外，對於早前怒斥航空公司延誤了她的行李一事，高海寧說：「因為我要緊接住工作，所以好心急，最後用其他方法解決咗，下次要預備足啲。」

馬國明密密做賺「奶粉錢」　一份人工養兩個家庭：好大壓力㗎

「視帝」馬國明近年身價急升成為廣告代言寵兒，日前才剛出席TVB廣州發布會，翌日就要回港出席汽車店開幕儀式，之後又趕回廣州出席品牌活動，再為《新聞女王2》趕拍攝進度。

今日（13/6）馬明出席汽車店開幕活動時表示：「呢幾日係忙啲，陣間都要返廣州，聽日又返深圳拍《新聞女王2》。尋日佳導（鍾澍佳）都宣布咗係台慶劇，所以都儘量七月尾前完成，因為仲係好多後期做。」

談到近期的工作，他笑言要多謝大家支持，又十分謙虛的說：「我哋好抵用嘅！好似啲車咁，我哋性價比好高嘅。其實早排播完《執法者們》，所以內地近排都多嘅。

（賺奶粉錢？）賺定，咩錢都好啦，將來都唔知有咩用途。而家經濟唔好呀嘛，都要積穀防飢，我係一個比較穩陣嘅人。我覺得錢係要使嘅，應使得使。」

他坦言，收入分了幾部分，部分交給太太湯洛雯，也有部分交給父母：「香港要搵工作好大壓力㗎。我阿爸退咗休廿幾年，兩邊家庭都要支持嚇。」問到「造人大計」，他就表示隨緣。