女神配對計劃｜葉蒨文「三角檯約會」曝光 兩大港隊精英夾擊曾展望

《女神配對計劃》昨晚（15 日）播出第2集，除有海選下半場及Babyface的終極求愛結局外，首輪正式配對環節─—「三角檯約會」情況亦曝光。

主角是葉蒨文（Sophie）與她3位成功登陸的「求愛勇者」—曾展望（GM）、「金絲眼鏡房祖名」林堡熙（Eddie）及陽光男生（林澤謙），Eddie及林澤謙均為港隊，前者為閃避球港隊、後者為手球港隊，這場「三角約會」雖然只曝光3分鐘，但已感覺「腥風血雨」。

3人中，率先進場的是阿謙，他與Sophie禮貌地互打招呼兼寒喧；當Eddie進場後，Sophie介紹2人認識，當2人知道對方都是港隊時，竟露出「戰狼」般的眼神，Sophie見狀搞笑說：「畀啲掌聲大家」，更邊說邊拍手企圖緩和氣氛；為了不讓任何一方感覺被冷落，Sophie落力兩頭擰，又笑言：「咦？死喇，我唔知望邊！」

2人中較進取的Eddie，除一來已大讚Sophie靚得健康自然，又主動出擊：「我都可以同你玩閃避球」，還邊說邊怕丑望檯：「如果你鍾意玩。」豈料換來全程表現謙厚的阿謙說：「佢鍾意打網球。」Eddie聞言即露出鋒利眼神。

當2人戰意飆升時，GM風度翩翩進場，吸引全場目光，Sophie開心得甜笑兼傻笑，GM大讚女神「好靚」博好感。Eddie眼見GM進場贏盡頭威後，則忍不住酸溜溜謂：「GM一入嚟，我就覺得，喲！原來係同事，即係一早識嘅，咁應該會好多嘢講吖。」

節目尾聲，主持人林盛斌阿Bob出場，揭示這場「三角檯約會」的潛藏規則，一個不留神，成餐飯分分鐘連女神正面都見不到，更有機會隨時被淘汰：「

製作組根據Sophie揀偶條件set咗一啲考驗，每個回合贏咗嗰位，就可以喺嗰味餸度，面對面去了解同溝通多啲，另外兩位就唔好意思喇，淨係可以望住側或者背面。經過咗3個回合，最低分嗰個，唔好意思喇，係有機會被淘汰。」

昨晚還有一個經典場面，就是五大女神「圍攻」120%純淨男、獲封「怕丑版張家朗」的林焌堯Jacob，被女神們殷切「招呼」的Jacob全程嚇到硬軚、後褪兼反眼，就連行路都驚到出現困難，場面爆笑。

女神配對計劃｜Babyface被梁敏巧終極拒愛 瀟灑宣布不再強求

TVB節目《女神配對計劃》昨晚（15 日）播出第2集，對女神梁敏巧（Maggie）窮追不捨的Babyface的終極結局，在網上掀熱話。被坊間指是「升呢回歸」的Babyface，出動完4大爆笑冧女絕殺後，終獲得梁敏巧認證，邀請他上前表白。

Babyface亦聽命收起幽默、向Maggie說出情深的一句：「多謝你一直以嚟嘅鼓勵、包容，我會不停進步，我會未來對你更好。」說畢更馬上返回台上，瀟灑程度令其餘4位女神讚口不絕：「好真心呀！」Babyface返回台上後，更堅定地表示今次會是他最後一次爭取追求Maggie：「如果今次失敗咗，咁就算數喇，我會尋找一段新嘅戀情！」

經過一輪爆笑、情深而又感人的「Babyface求愛大作戰」，阿Bob（林盛斌）轉向Maggie示意她是時候給出最後答案：「如果你選擇唔著燈嘅話，Babyface就可能喺你世界喺度從此會消失，呢個係佢一次最後嘅機會！」

Maggie最後倒數5秒確實對應否選擇Babyface表現掙扎，但最終仍決定拒絕Babyface，但她仍不忘讚許Babyface：「你係好好嘅人。」得悉最後機會幻滅，Babyface雖眼泛淚光，但仍信守承諾離開海選舞台：「多謝你（Maggie）鼓勵，我會做番自己能做嘅事情」、「好遺憾，但盡咗力，唔得就係時候要邁向下一個階段！」