陳豪結婚12周年為老婆影靚相 陳茵媺︰為愛與回憶乾杯

陳豪與陳茵媺（Aimee）2013年6月於巴黎舉行婚禮，婚後育有2子1女，生活幸福美滿。兩人轉眼結婚12年，Aimee在社交平台分享與丈夫的照片，兩人在相中穿上藍色情侶裝，在草地上甜蜜地手拖手，陳豪更化身攝影師為老婆影靚相。

Aimee說︰「是你... 一直都是你。周年快樂，我的愛人﹗這是一篇遲來的文章... 一直都很忙！為又一年的愛與回憶乾杯，（遲來的）周年快樂！6月11日，周年快樂﹗」

陳豪與太太財政透明 : 佢嘅係私己錢，我嘅係大家錢

唐詩詠未能衝破心理關口舞台劇只穿內衣

陳豪與唐詩詠今日（21日）到中環出席銀行活動，兩人都有生意，對於理財心得，唐詩詠指平常不會亂使錢，也沒有買股票，只有投資在「磚頭」方面，又謂做了生意之後看了很多經濟學的書籍。

至於陳豪就認為理財每個人都需要，但自己在家庭方面的財政會全權交給老婆陳茵媺(Aimee)打理：「男主外女主內，Aimee 係屋企一家之主，將屋企安排得頭頭是道，（掌握財政大權？）兩睇，我就對外，例如傾生意，但返到屋企就全權交曬俾Aimee去搞。」

陳豪冧爆稱Aimee係佢波士

唐詩詠聽到後即八卦地問陳豪是否一開始已交給Aimee，豈料陳豪即冧爆說：「我個人已經係佢，佢係我波士！」他又指兩人的財政狀況是透明，也是共同財政，亦會互相支持。

問到是否有私己錢，他說：「Aimee嗰啲係私己錢，我嘅係大家錢，（用邊個戶口攞錢買手袋俾老婆？）嗰啲好耐之前，有啲係禮物，但禮物就係禮物，分開嘅。」陳豪坦言作為男人有家庭之後，仔女老婆就是他的全部：「我嘅錢唔使得，我要負責俾佢哋，係佢哋嘅將來，無論佢哋嘅學業、屋租各方面，都係要嚟消費，咁樣先係一個有擔當男人要做嘅嘢。」

問到唐詩詠是否又想找一個那麽有擔當的男人？她笑言也想要一個願意將薪金過落自己戶口的男人，又謂很需要懂理財的男人，但現在「愛情與麵包」中，會先努力在麵包方面。

陳豪揭從不與陳茵嫩嗌交

提到陳茵媺今日在IG中貼出兩人溫馨合照，慶祝結婚12周年，陳豪坦言兩人的感情就像昨日結婚一樣沒怎麽變：「因為我哋唔嗌交，唔嗌交的話我哋就唔會講啲傷害對方嘅說話，呢樣就係維持婚姻或感情最緊要嘅事，就係千祈唔好講啲有傷害性嘅說話而傷害對方感受，大家之間嘅關係要維持，我都好慶幸我哋之間嘅關係keep得幾好，充滿住Love。」

唐詩詠爆與朱栢謙床戲有尺度大

唐詩詠正忙於準備舞台劇《妻迷Yerma》演出，她指雖然自己食多了，但沒有肥過，因為演+9舞台劇需要消耗體力及腦力等，自己也沒想過做戲的範圍那麽大，有搞笑、輕鬆、揪心戲外，更有武打及床上戲，每樣都需要技巧，雖然辛苦但過程也很開心。

又提到當中與朱栢謙的床戲有些場面比電視尺度更大，所以會有一些場面沒可能發生在電視上。

問到是否需要衝破心理關口？她說：「本來想有啲著內衣嘅場面，係胸圍同底褲，但呢個我未衝破到，而家調整緊件內衣款式，呢個唔同電視，電視始終隔住，但舞台劇就現場望住。」

另外，唐詩詠舊愛洪永城早前在網上表示自己已結紮，她表示是好事：「開心就得，最緊要開心！」問她現在是否過開心，她表示是，雖然排練的過程很累，做了之前沒有做過的事，所以好幸福。