港姐2025｜朱綽盈改頭換面再選　上內地真人騷爆紅去年成為大律師

《2025香港小姐競選》今日（24日）在電視城進行首輪面試，當中不乏背景強勁的佳麗，除了有自稱是「岳飛35代後人」的Fandi之外，還有有民建聯「小花」之稱、現任西貢區議員莊雅婷等等。

而曾於2021年落選的佳麗朱綽盈（Kimberlie），今年再度參選，學歷背景超強的她更因參加內地真人騷節目而人氣急升，在抖音及小紅書坐擁超過百萬粉絲！

朱綽盈本科及碩士都畢業於香港大學法律系，並取得LLB（法學榮譽學士）及PCLL（法學專業證書）優等成績，選美經驗豐富的她曾參加《2018亞洲太平洋國際小姐大賽》香港區，獲得最佳肌膚獎。

其後又在22歲時報名參加《2021香港小姐競選》，最後於28強止步。

2023年朱綽盈參加內地真人騷節目《令人心動的offer》第五季，憑出色表現令觀眾留下深刻印象，成功一炮而紅！

近年朱綽盈積極經營社交平台，以普通話、英文、韓文等拍攝vlog，成功吸引不少粉絲關注。

去年9月朱綽盈正式成為大律師，更到北京大學國際法學院積極進修，而且一直保持著全A的成績，其中一篇論文更獲滿分，相當犀利！

不過就有網民留意到朱綽盈的樣貌與4年前參選港姐時大有分別，明顯大變樣！

香港小姐2025｜樂易玲爆黃曉明推薦呢位大律師　區議員參選有暗涌

《2025香港小姐競選》今日（24/6）舉行首輪面試，共有111位參選者到將軍澳TVB電視城面試。電視廣播有限公司助理總經理（藝員管理及發展）樂易玲小姐、製作部高級經理（非戲劇製作）何小慧小姐和製作部助理經理（非戲劇製作）（音樂）暨《2025 香港小姐競選》監製晴朗先生在參選者會見傳媒後，接受訪問，樂小姐直言：「今日嚟嘅質素真係唔錯。」

樂小姐續指，今屆參選人數質素高，其中不乏高學歷、專業職業人士，說：「其實今日嚟first interview，其實我哋篩選咗一部份㗎啦，所以今日嚟嘅質素真係唔錯，尤其是今年學識真係好高，有一半人碩士以上，PHD，有大律師，有心理醫生，物理治療又有，音樂又有，乜都有，所以我覺得今年真係唔錯。」

記者問，以美貌與往年比較的話，水平又有什麽不同？樂小姐回答：「嘩，好難一年一年比㗎喎，係真係唔錯。」樂小姐也透露，原來38號（暫定）北京大學碩士，大律師朱綽盈（Kimberlie）是由演員黃曉明提名：「都有。我真係見到個黃曉明提名。」

何小慧：「係嗰個artist？」樂小姐：「係嗰位呀，佢提名大律師。（會手鬆啲？）睇埋second-in先啦，因為佢真係幾靚嘅。」她也透露，余安安亦有提名一位參選者。

記者提到今年較多參選者是「廣東話有限公司」，樂小姐也回應：「我覺得識廣東話係好基本要求，但係真係好多香港土生，但係好細個去咗外國讀書，真係好好又靚，但係佢啲廣東話真係好唔好。咁我好希望佢哋係短期內pick up，最低限度講到先。」她又表示，某部份參賽者熟悉外語，但唯獨是沒接觸過廣東話。

他們表示，首輪面試的100多人是由400多人中篩選的，除了今日所見的百多名外，還有30多位海外佳麗，合共約有140多人。「其實應該多啲啲，但係有啲時間嚟唔到。我哋考慮會唔會再畀機會佢哋見。」有佳麗身上有紋身，又會否影響入圍？樂小姐表示，需要面試時睇部位或紋身內容再決定。她也透露，總經理十分重視今次港姐競選，所以預留了時間擔心評審會見參選者。