港姐2025｜朱绰盈改头换面再选　被爆获黄晓明提名参选

乐小姐续指，今届参选人数质素高，其中不乏高学历、专业职业人士，说：“其实今日嚟first interview，其实我哋筛选咗一部分㗎啦，所以今日嚟慨质素真系唔错，尤其是今年学识真系好高，有一半人硕士以上，PHD，有大律师，有心理医生，物理治疗又有，音乐又有，乜都有，所以我觉得今年真系唔错。”

记者问，以美貌与往年比较的话，水平又有什么不同？乐小姐回答：“哗，好难一年一年比㗎㖞，系真系唔错。”乐小姐也透露，原来38号（暂定）北京大学硕士，大律师朱绰盈（Kimberlie）是由演员黄晓明提名：“都有。我真系见到个黄晓明提名。”

何小慧：“系嗰个artist？”乐小姐：“系嗰位呀，佢提名大律师。（会手松啲？）睇埋second-in先啦，因为佢真系几靓慨。”她也透露，余安安亦有提名一位参选者。

记者提到今年较多参选者是“广东话有限公司”，乐小姐也回应：“我觉得识广东话系好基本要求，但系真系好多香港土生，但系好细个去咗外国读书，真系好好又靓，但系佢啲广东话真系好唔好。咁我好希望佢哋系短期内pick up，最低限度讲到先。”她又表示，某部分参赛者熟悉外语，但唯独是没接触过广东话。

他们表示，首轮面试的100多人是由400多人中筛选的，除了今日所见的百多名外，还有30多位海外佳丽，合共约有140多人。“其实应该多啲啲，但系有啲时间嚟唔到。我哋考虑会唔会再畀机会佢哋见。”有佳丽身上有纹身，又会否影响入围？乐小姐表示，需要面试时睇部位或纹身内容再决定。她也透露，总经理十分重视今次港姐竞选，所以预留了时间担心评审会见参选者。