姜濤墮海丨多名藝人出Post怒斥網民冷血 練美娟：可以不愛但不要傷害

MIRROR成員姜濤在西環墮海，獲救清醒送院。今日（24日）下午4時許，歌手姜濤於西區副食品市場對開墮海，被途經的海事處外判商船隻見到之後將他救起，再送往中區政府碼頭，姜濤當時清醒，由救護車送往瑪麗醫院救治。

據了解，姜濤於瑪麗醫院經初步治理後，已轉往私家醫院繼續求醫。他事後報稱曾飲酒，之後失足墮海。

姜濤墮海丨藝人出言勸告

姜濤於西環墮海後，MIRROR經理人黃慧君（花姐）回覆傳媒查詢時代報平安，之後再在IG引述姜濤表示：「只是自己不小心，發生了小意外，我沒事，請大家放心。希望不要有任何揣測，真的很抱歉，令大家擔心了。 From Keung To」。

不過姜濤傳出墮海消息，網上引起不少討論，更有網民疑似言論過激，惹起多位藝人出言勸告：「積口德」。

游大東轉發姜濤情況

游大東不斷轉發姜濤的最新情況，並留言：「今日教誨：做人真係要收下把口，積下口德，冇嘢講就唔好搵嘢嚟講，然後用『講笑啫』做擋箭牌，有啲嘢係唔講得笑。（24062025）」。

岑珈其也留言：「做人真係唔好咁黑心啦」。

練美娟：留言太涼薄

練美娟吁積口德：「積下口德啦。可以不愛但請都不要傷害。都唔需要你哋去慰問去關心，但見到嗰啲留言實在太涼薄，街邊見到個唔識嘅人咁嘅情況都唔會咁呀嘛？唔係因為打幾個字留個言唔使負責就咁呀嘛？」

五索：沒資格傷害他

李泇霖不滿道：「我唔明點解啲人冇曬同理心，一人插一句，呢個世界黐咗線」。五索Tag網絡世界：「為甚麽這麽多人可以傷害一個追夢的後生仔？可以不喜歡他，但沒有資格傷害他。」

李昭南則表示：「不以善小而不為，不以惡小而為之。發洩情緒有好多方法，唔需要發落人身上，尤其對他人不幸，冷嘲熱諷，不如今日停一停，休息下？」

姜濤墮海｜姜B已抵麥花臣場館 薑糖對意外感震驚

MIRROR成員姜濤昨天（24日）下午墮海獲救，事後他在社交平台報平安，又指自己今天（25日）如常出席活動，姜濤與隊友盧瀚霆、呂爵安及李駿傑出席麥花臣舉行的《呂濤米Lo Seoul》旅友旅途分享會，活動結束後立即趕到機場，飛往巴黎出席時裝周。

今天下午不少鏡粉（粉絲暱稱）已一早到麥花臣排隊入場，現場有警方維持秩序，姜濤在3點20分乘坐7人車抵達麥花臣球場，車輛直駛入停車場。

薑糖（粉絲暱稱）Winky及Kiko接受傳媒訪問，2人對姜濤昨午墮海意外感突然及震驚，談到意外後惹來很多Hater留言攻擊姜濤，Winky說：「我覺得你唔鍾意一個人，但唔使咁攻擊佢，始終都係一個生命。（不喜歡也不要傷害？）係呀﹗（想唔想姜濤休息？）我覺得睇佢自己意願，休息下係好啲㗎﹗（他畀Like時已放心？）係呀，不過新聞出嚟嗰下好震驚。（擔心到喊？）咁又冇，不過嗰下震驚，然後再等之後消息。」