告別太太陳美玲之後 《東周刊》獨家專訪艾威

離別後仍「聽見」她： 仍覺得佢喺度

現年66歲的艾威，其太太陳美玲（Lisa）因家族遺傳性多囊肝及多囊腎病情惡化於上月病逝，終年61歲。最新一期《東周刊》獨家專訪艾威，分享告別太太陳美玲後的日子。

艾威在訪談中多次提及現時「情緒好飄忽」，又表示雖然太太已經不在人世，但仍不時「聽見」她的聲音。

獲《再見愛人2》團隊送日記陪葬 艾威爆淚崩

最新一期《東周刊》獨家專訪艾威，在他告別太太陳美玲後，艾威一直努力撫平自己內心的傷口，他表示：「Lisa走咗之後，初時唔知點樣去面對，以為時間能沖淡一切，原來係唔會嘅，情緒會突然間湧現。」

他舉例當天在老婆的靈堂上，本來尚可控制好情緒，直到湖南衛視《再見愛人2》的團隊，將節目中兩人互寫的日記送來陪葬，他那刻悲傷得決堤爆喊：「真係忍唔住，家情緒好飄忽。」

艾威：將所有悲傷轉為能量

艾威與太太陳美玲結婚23年，雖然二人經歷多次離合，但最終仍然走在一起。艾威指從太太離去到現在，他開始懂得如何應付悲傷來襲。

艾威說：「真心愛一個人越會覺得生活悲痛，嗰種悲痛唔好覺得係會過咗去。」

而他選擇轉化這份沉重：「知道將來走嘅路，唔可以只係一直處於懷念，係要將所有嘅悲傷、傷感、思念轉變為能量，唔可以有負能量。」

艾威相信太太陳美玲從未遠離過他：「我仍然會覺得佢喺度，好似電影所講嘅，暫時佢依然喺你身邊，直至有一日轉化去另一個空間，咁樣諗會舒服好多。」

艾威又指，太太離開後他仍能「聽見」她的意見：「好似今朝早咗起身，掙扎去飲茶定留喺屋企食麥皮，於是聽嚇喺心入面嘅Lisa意見，知道佢一定會叫我揀食麥皮，佢會喺我心入面同我講嘢，會俾意見我⋯⋯」