朱敏瀚餘思霆疑冷戰 成年冇見黑面同女友開餐

29歲的朱敏瀚年初奪得本屆TVB最佳男配角，攞獎時漏咗多謝拍拖3年幾的17年華姐女友餘思霆，事後補鑊喺訪問多謝返對方，當時女友已經返咗台灣嘞，仲話雖然分隔兩地都會互相支持。近年朱敏瀚備受公司重用，處於事業衝刺期的他坦言未有結婚打算。

去年女方被公司派返家鄉台灣拍旅遊節目，由原定拍3個月最後拍咗成年都未拍完，朱敏瀚都話成年冇見女友好掛心！

文章來源：TVB資訊台 W博：@香港TVB資訊台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

但日前餘思霆快閃香港兩周，本報撞到二人喺銅鑼灣食晏，不過久別嘅兩人唔見糖黐豆，仲似乎有啲拗撬。採訪：梁志明

餘思霆雖然不時在IG分享性感照，好似永遠都在最佳狀態咁，不過呢日見佢零裝扮同男友出街，選美出身的她似乎有啲走樣。

而她與男友成年冇見，同檯食飯兩個都黑口黑面，睇得出唔係傾啲咩開心話題囉！

都唔似拖友

朱敏瀚日前同女友餘思霆喺銅鑼灣一間茶餐廳食晏，睇嚟應該唔多肚餓，純粹想搵個地方坐嚇咁，事關兩個人只係叫咗一碗麵，餘思霆食咗兩啖就推畀男友食。

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

期間朱敏瀚聽餘思霆講嘢都冇乜笑容，塊面甚至愈聽愈黑，之後索性撳電話。

食完嘢歎埋杯嘢飲，朱敏瀚就攞咗女友部電話撳咗陣，又遞部電話畀女友睇，又討論咗一陣間。畀返部電話女友嗰陣，朱敏瀚拎多兩秒都好似嫌重咁，作狀想扔落檯玩女友，叫女友快啲接返部電話呀！

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

行街唔拖手

喺茶餐廳走人，朱敏瀚同餘思霆全程都冇拖手，咁耐唔見點解好似唔多Sweet咁呢？之後二人傾住偈行到利園附近，餘思霆就一早Call定車，一講Bye就直接上車走人。

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

而朱敏瀚就上咗利園三期，唉！咁耐冇見，女友先返嚟兩星期，仲曬時間鬧交，希望唔好影響佢哋感情啦。