《東張》女神｜梁敏巧深夜遇變態佬尾隨返家爆喊：小腿畀嘢射濕咗

前港姐梁敏巧（Maggie）依家升呢做《東張西望》新咪神，衣著打扮都即刻Sharp醒曬，社交網更加時時派軍糧，緊身衫、Sports Top少不了，唔知系咪打扮索咗，竟惹嚟變態佬騷擾！

文章來源：TVB資訊台 W博：@香港TVB資訊台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

佢今日（16日）凌晨喺社交網發文，指自己深夜收工返屋企時，竟疑似遇上變態佬「射濕」玉腿：「凌晨1點幾2點放工，夜晚行返屋企樓下，行樓梯個陣冇啦啦Feel到右小腿畀嘢射一射然後濕咗。個心離一離睇嚇我系咪踩水凼中雀屎，但又冇喎。」

佢續指自己原來被一名男子尾隨，佢一轉身，對方即刻跑走：「當刻覺得好噁心到忍唔住流咗眼淚，即刻搵紙巾抹。」

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

直認當時條街得自己一個嘅佢，指當時真系好驚，所以佢都唔敢追上前，驚對方再做變態行為，而佢又唔知腳上系咩液體，即刻拎濕紙巾同火酒清潔，抹抹嚇佢又驚又擔心，忍唔住喊出嚟。

佢又透露原來兒時都曾遇過變態佬偷拍，直言後悔當時冇報警署理，好在佢身邊朋友仔買防狼器同防狼噴霧畀佢，等佢入夜收工都有嘢傍身。

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

梁敏巧接受東網電話訪問，對於被特濕一事仍猶有餘悸：「因為呢排《東張西望》有啲夜市專題，所以我先收咁夜，而嗰條路仔好短，冇諗過會出事，今晚我同樣會夜收，考慮緊叫成crew同事或搵朋友幫嚇手接送。

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

其實我都幾易惹到呢類人，試過遇到露體狂、喺港鐵被偷拍，甚至依家喺社交平台私信啲三級相畀我，都後悔當時就應該報警，將佢哋繩之以法。依家我都諗緊系咪需要報警備案，同埋會去買個防狼器防嚇身。」