星空下的仁醫︱何依婷扮癱有Feel曾親歷半邊身麻痹

藝人何依婷於TVB台慶劇《星空下的仁醫》內扮演心地善良的 實習醫生，瞬即引起網民熱話﹗昨晚（2日）劇情交代她因體力不足，於後樓梯跌倒被張寶兒發現，最後因失救時間太長至下半身癱瘓。

當聞得噩耗，她擁著家人嚎哭，場面催淚，而一班實習醫生拍檔包括林正峰及黃碧蓮等見狀，皆心痛不已。

對於依婷的「不幸遭遇」，網民大表同情，寫上她的名字再加爆喊Emoji留言，亦有人為她能否繼續擔任外科醫生而大為緊張。

她接受東網電話訪問時表示：「事前都上網，搵番啲相關片段取經，其實中學公開試時，我試過冇得休息兼壓力爆煲，搞到自己半邊身麻痹，今次就攞番個人經歷出嚟投放入角色。印象中拍攝順利嘅，多謝導演同監製事前畀時間我投入情緒，啲同事又唔同我玩，畀足夠空間我準備，事後大家又幫手，研究下場喊戲應該點樣進步，好有愛呀。最難嘅系要忍笑，因為拍攝時要畀人篤腳板。多謝大家嘅讚賞，我覺得自己仲有進步空間嘅。」

另外，羅子溢落力拯救因手術出現問題而瘋狂嘔吐的BB，期間不時流露「慈父相」，與BB的互動感人。

監製方浤酌表示：「呢場戲能夠順利完成拍攝，要多謝好多人嘅努力，首先系拍攝團隊嘅堅持，佢哋為咗捕捉BB嘅眼神，一等就系幾個鍾，仲要靠子溢同BB嘅父母喺鏡頭後不斷拎住BB心儀嘅玩具引佢，子溢又不時抱嚇BB咁，用咗好多時間心機。」

星空下的仁醫︱鄭嘉穎鍾嘉欣CP感滿瀉馬國明周家怡錫埋都未過電

無線（TVB）台慶劇《星空下的仁醫》 正在熱播，鄭嘉穎、馬國明、鍾嘉欣丶周家怡等大國手除了挑戰一個又一個的複雜手術，一眾主角亦要衝破不少情關，當中以鄭嘉穎和鍾嘉欣丶馬國明和周家怡的感情線最為矚目。

先講馬國明和周家怡一對，剛剛發現植物人老公關楚耀（飾蘇炳良）與舊同學楊柳青（飾Sandra）有染的周家怡（飾麥海琪），開始與前男友馬國明（飾況叢昕）舊情復熾，在昨晚（2/11）播出的第12集中，周家怡於車廂中讀出老公與情人的短訊時，便愈讀愈傷心，「我唔想成日偷偷摸摸」、「我對佢冇曬感覺，你再畀少少時間我」，句句錐心。

而陪伴在側的馬國明便主動親吻安慰對方受傷的心。可是，周家怡的角色性格內斂，不時壓抑自己情感，所以就算出動了重頭咀嘴戲，周家怡最後還是推開馬國明，兩人亦未算擦出太大火花。

相反，風趣幽默的鄭嘉穎（飾許甘楓）和情感豐富的鍾嘉欣（飾章以芯）便CP感滿滿。劇中，鍾嘉欣因為鄭嘉穎對繼母於淼（飾陳珮如）態度欠佳，所以對鄭嘉穎感到不滿，但當她在昨晚一集見到鄭嘉穎對住鏡頭坦白體諒、佩服腎病病童家長的心情時，她便再次理睬鄭嘉穎，並主動跟對方說：「唔怪之得你個樣好番少少，冇之前咁樣衰，突然靚仔咗」，而鄭嘉穎亦有「反擊」女方，更笑說：「係我不嬲都咁靚仔，係你睇得我太膚淺。」

對白非常抵死有趣。除了與鍾嘉欣、於淼的對手戲，鄭嘉穎與病童的演出亦是火花十足，他在戲中更經常眼泛淚光，感情演繹夠澎湃，絕對與他已為兩子之父，易代入、感同身受有明顯關係。

鄭嘉穎在劇中演技備受讚賞，除了跟鍾嘉欣的調皮演出外，跟病童的感人關係，以及「後母」於淼的對手戲，都火花十足。

至於明晚（4/11）第14集亦會上演鄭嘉穎向鍾嘉欣的起心肝表白一幕，劇情講述鍾嘉欣不慎扭親腳，鄭嘉穎見狀大為緊張同時藉機講出自己心意。到底這對歡喜冤家會否扮傻繼續做朋友？還是馬上撻著變情侶？真的令觀眾非常期待。