陳安立求婚成功前《東張》女神林希靈準備做人妻

前《東張西望》主持人林希靈（Agnes）早前離巢TVB，過檔香港開電視做主持，但原來佢今年唔止事業上有新發展，感情上更有新突破，呢日佢宣布獲ViuTV男友陳安立求婚成功，準備升呢做人妻！

文章來源：TVB資訊台 W博：@香港TVB資訊台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

2人分別於社交網大曬求婚當日嘅靚相，見陳安立喺海旁向女友求婚，並為佢戴上婚戒，場面浪漫，陳安立憶述求婚時嘅情景：「求婚時候，我邊拿著手機，邊説著情深説話。一直以為有錄影，卻原來從沒有Roll機。無辦法，惟有用餘生慢慢再説。」

而林希靈亦和應：「我最好的朋友，餘生請多多指教。」

林希靈獲男友陳安立求婚，她說：「多謝大家祝福，佢求咗婚喇，但求婚過程都幾搞笑同埋蝦碌囉。」

首先安立約求婚布置的人約錯時間，本身是約夜晚，點知求完婚第二朝布置的朋友先到，她笑說：「佢臨求婚之前，不停問我有冇新年願望，原來佢想我講新一年做人妻，但我又唔知，咪講身體健康、世界和平之類，見佢呆咗，支吾以對拎戒指出嚟，我先知佢想求婚。」

她又笑安立一直拎住手機，想紀錄求婚過程，但求完婚搞完一大輪先發覺，一秒都錄唔到，她笑說：「我覺得今次真系好搞笑、夠曬難忘，我相信會一路記住。」她透露他們已預訂了年尾結婚和擺酒。

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

何雁詩鄭俊弘慶祝五周年發感動長文閃盲網民

何雁詩同老公鄭俊弘自舊年11月結婚後，生活幸福美滿。依家佢正在養胎中，預產期將喺6月，真系令人期待。

而喺前日（2日）佢就喺社交網大派閃光彈，上載多張同老公Sweet到爆嘅靚相，原來前日系佢哋五周年嘅大日子。

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

何雁詩仲好感動喺貼文寫到：「如你若有事我會很寂寞、我獨個行樂怎可快樂。五年前，我們一起開始了這段奇妙的旅程，雖然這並不像生活中的許多事情一樣容易，但似乎非常值得。感謝您成為我的支柱，我最好的朋友。

我很感激你總是努力成為一個更好的人和一個更好的夥伴，我相信你會成為一個很棒的父親。

我無法想像沒有你的一天，我愛你，我對我們將一起經歷的更多冒險，真的感到非常興奮。」真系甜到閃盲一班網民呀！