《金宵大厦2》监制亲解观众疑问！伍咏薇因第一部好看自荐

至于剧集尾段出现的“温情歌”，监制咁样讲：“有观众听到首歌以为系大团圆，其实睇真 D，渺渺唱紧首歌嗰阵，脑入面慨画面都系芬姐点虐待佢，佢其实完全冇原谅芬姐。呢度可以话系‘戏中戏’，佢唔单止成为咗自己讨厌慨人，仲要做得比阿妈更尽更好，甚至连真实观众都要呃埋。”

阿细更提示剧迷留意渺渺两句对白：“第一系‘施比受更为有福’，除咗呼应番卖惨对施恩慨人慨意义，亦都想表达阿妈一直照顾阿女‘更为有福’；依家二人关系逆转，渺渺成为照顾者，所以就‘有福’了。另一句系‘我哋都做咗选择’，阿女由拣咗举报阿爸开始，就选择咗要跟阿妈，所以佢冇资格去怨。同样阿妈选择咗牺牲自己俾车撞去换个女返嚟，佢都冇资格去怨。”

昨晚陈山聪、李施嬅、伍咏薇及 Chloe 分别在 IG Live，获赞好戏的伍姑娘不断多谢剧迷支持外，坦言芬姐最后所受的报应令单元故事性更强：“阿女最尾变咗我咁，其实系我报应嚟架！我爱佢变成害佢，呢个结局真系意想不到。”

而首度遇上如此高难度角色的Chloe，则坦言有压力：“都真系好难演，个角色好难演，好多内心嘢。”幸好 Chloe 的内心戏有受到支持及认同，有网民赞她的演绎似笑非笑，并指“睇唔出底牌先至最耐人寻味”。

已多年没有在 TVB 剧集露面的伍姑娘，早前接受TVB娱乐新闻台《Star Talk》专访时，坦承是自己向监制自荐，十分搞笑爽朗：“《金宵》好睇吖嘛，喺 TVB 平台有咁慨戏种好得意，我见到监制就话如果《金宵 2》开，有角色啱我我都愿意尝试吓。点知佢真系揾我，我只系听咗个故仔，已经觉得好好听。”