朱千雪出动背心热裤派美照！陈茵媺炮制龙虾大餐

朱千雪出动背心热裤派军粮 出门秒后悔：好冻呀！

女神朱千雪（Tracy）虽然淡出幕前向法律界发展，但因为生得靓女以及形象亲民，至今依然深受网民慨喜爱。

文章来源：TVB资讯台 W博：@香港TVB资讯台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

日前佢就贴出一张笑得好灿烂，著住小背心、牛仔短裤慨靓相，同平时优雅成熟慨佢截然不同，成个青春少艾咁款。

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

佢仲喺贴文写到：“春天的天气，在早上看着窗外时，以为会很热，但穿着短裤出去才发现实际上很冷。”

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

唔少网民都留言大赞：“瘦咗好多”、“好靓女”、“好正呀女神”。

陈茵媺炮制龙虾大餐陈豪“戴口罩”都食到

索妈陈茵媺（Aimee）为老公陈豪诞下3名仔女后，淡出幕前，专心相夫教子，做个廿四孝妈妈，佢不时喺社交网分享日常生活点滴，寻日（9日）佢晒咗为家人炮制龙虾大餐慨相同片，留言：“第一次做新鲜龙虾……如此简单和美味！”

佢都估唔到咁简单就煮到每个人都钟意食慨美食，加上平时忙于开工慨陈豪都返咗屋企食饭，令佢感到非常开心！

其实佢除咗煮咗龙虾之外，仲煮咗好多味𩠌，好似有咕噜肉、炒蚬、炒粉丝等，碟碟睇落卖相都极度吸引，唔少网民都话隔住个Mon都睇到流口水，好想食埋一份，大赞佢厨艺了得，一啲都唔简单呀！

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

不过有网民就错重点，睇到平时出外开工罩不离口慨陈豪，连返到屋企食饭都戴住口罩，惊叹“爸爸真伟大！”，但系唔知佢戴住口罩又点食嘢呢？