唐詩詠曾遇男友偷食 去拜神求對方愛自己

唐詩詠被譽為「最佳女友」，但感情路崎嶇，入行多年，公開承認過三段戀情，包括初出道的余文樂、崔建邦和洪永城，但每次都傳男方太花弗，令戀情告終。

文章來源：TVB資訊台 W博：@香港TVB資訊台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

近日詩詠接受蝦頭和連詩雅主持的網上節目訪問，大談絕世好女友的標準，她自認是一位會撒嬌的女友，但亦難防小三出現：「你做得幾好，佢都會有小三㗎，要有就有㗎喇。」

詩詠還分享自己對付第三者的經驗：「講真我咩方法都試過，帶佢去拜神呀，我就求佢要好愛我囉。」

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

要更愛自己

即使成功擊退小三，這段感情亦未必可以走到最後，因為最後選擇仍在男人身上，詩詠說：「當一有小三嘅時候，你會跌入個窿度，你淨係諗小三快啲走啦，或者你返嚟我度啦，但係忘記咗最重要嗰樣嘢，就係其實你咁樣呢個狀態呢，冇人會愛你囉。你只要生活得好好，或者你好開心，嗰個人係留定係走呢，佢會選擇，唔係輪到你去避佢。」

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

兩位主持蝦頭和連詩雅都覺得詩詠擁有溫柔知性美，是最能吸引男士的類型，但詩詠就認為做女朋友還要具備媽媽的特質：「咩類型嘅男人都係一個小朋友，你需要好似一個媽媽咁去照顧佢嘅感受，你要呵護佢，其實我覺得係有啲攰嘅，但呢個係必需嘅，因為我發現如果你冇呢一樣嘢呢，佢哋好多時候會覺得被忽略，但係如果你用咗啲tone唔啱呢，佢又會覺得你煩。」

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

唐文龍直認有圈外女友趕生仔：再唔諗驚生唔出

藝人唐文龍繼2007年離開TVB後，近年再次回巢拍《溏心風暴3》，劇中與陳敏之飾演情侶。最近陳敏之邀請唐文龍擔任節目嘉賓，大談相識點滴和感情狀況。陳敏之話其實唐文龍絕對唔花弗，系一個正人君子好細心。

陳敏之在節目中自揭產後，坐月不足三個月馬上復出最三大的原因：第一劇本相當吸引，第二劇中與同夏雨、李司棋合作，第三同唐文龍合作演情侶。

唐文龍在節目中大方分享：「我而家系有女朋友嘅，圈外人士。」陳敏之興奮尖叫地說：「佢好似冇公開過㗎喎，我梗系知啦，即系喺我Channel第一次公開？好嘢！唐文龍有女朋友啦。」

他透露有諗過生仔：「再唔諗驚生唔出。」他一直以來對愛情追求的看法就是簡單真實和相處舒服，所以為了保障對方，不會輕易公開戀情。