男女通殺！何廣沛恨床戰陳曉華再同胡鴻鈞HeHe

藝人何廣沛於TVB劇《食腦喪B》飾演喪屍，他表示每次拍攝都要花近4小時化妝，並有大量動作場面，笑言最難忘「公主抱」江嘉敏來回跑：「佢系『重量級』演員，我仲要面不改容Chok住跑。」

文章來源：TVB資訊台 W博：@香港TVB資訊台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

他跟江嘉敏再度合作，默契及信任度更勝從前。

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

談到拍親熱戲，他表示尺度僅限接吻：「我未拍過床戲，如果拍會有壓力同擔心，驚唔小心令對手有Hard Feeling。（會揀朱晨麗定江嘉敏做對手？）咁我同陳曉華都合作咗2次，3個都舒服，冇太大問題。」

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

想同胡鴻鈞「HeHe」

何廣沛坦言很想拍雙男主角類型的劇集，自爆喜歡看改編自「耽美」的內地劇《陳情令》，看完迷上男主角肖戰。問到是否接受拍BL劇？他說：「應該冇問題，我拍過好多同男仔親吻嘅劇，接受程度可以。

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

我試過喺《超時空男臣》入面3個大男人食一杯雪糕，嗰刻心入面好驚，大家條脷都好近，一唔小心變咗舌吻。（你想同邊個男藝人拍？）我曾經向監製提議過拍BL，建議搵胡鴻鈞。（點解？）因為個監製用過佢同我，而且大家都系嗰種氣質同感覺。」

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii