《金宵2》贏口碑輸收視陳山聰阿Q精神冇失望

藝人陳山聰今日（26日）到柴灣拍攝廣告，擔任維特健靈旗下產品代言人，為期兩年合約酬金不俗，山聰笑說：「搵幾多都好唔關我事，所有嘅嘢都益曬我屋企個肥仔陳霆軒（囝囝），入咗去佢個慈善基金。我好感恩嘅，因為已經有差唔多兩年時間，完全冇曬外快收入！」

文章來源：TVB資訊台 W博：@香港TVB資訊台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

談到《金宵大廈2》贏口碑輸收視，山聰坦言未有失望：「呢套劇好高質素，好多人話畀錢買飛入場睇都值。因為編劇大膽創新，可能有觀眾睇唔明白，亦可能太過恐怖家長唔畀小朋友睇，但系真系好多人談論，而且跨平台收視好好，可能觀眾系等做曬嘢，小朋友瞓咗先上網睇番，所以正常嘅收視系唔可以作準嘅。」

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

他坦言如果收視好絕對是錦上添花，但要集齊收視及口碑等相信亦絕非易事。

至於網民猜測首集「靈魂人物」劉江於結局驚喜現身，山聰表示：「我唔可以講咁多，大家到時睇嚇啦。可能系因為首集好多角色都出曬，所以先至有咁嘅猜測啫，咁可能阿蕭（《金宵大廈》陳山聰角色名字）都會出現㗎喎。」

陳山聰唔介意父子檔拍廣告 Jaco對鏡頭敏感度高好識搶鏡

陳山聰今日以代言人身份為維特健靈活關素拍攝廣告，他表示兒子快2歲，自己年紀都唔細，加上熱愛跑步，尤其跑馬拉松那幾年未有好好保養，令關節和膝頭日漸勞損，甚至影響右邊膊頭，笑言下雨前夕總是會關節痛，故品牌早前送產品讓他試，他試完覺得不錯，加上近來《金宵大廈2》熱播，品牌索性邀請他做代言人，大家一拍即合。

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

問到酬勞是否很好？他笑說：「OK啦，又唔係我收，我都係幫個仔代收，有咗家庭同小朋友之後，所有事都係為佢嘅將來著想，亦好感恩得到《金2》帶挈。（多了工作？）現在政策剛剛放寬，除咗廣告都有幫商場拍攝，各行各業呢兩年都好辛苦，對大家嘅影響好大，希望全世界早日回復正常，大家安居樂業，身體健康。」

至於會否希望父子檔拍廣告？山聰笑謂要睇囝囝Jaco肯不肯，或者找胡定欣和Jaco合作，又讚囝囝成長得很快，現在出街會自動自覺戴口罩，對鏡頭亦很敏感。

他笑言日前帶Jaco去公園玩，見附近人不多，一說要幫他影相，Jaco就自己除口罩擺甫士，比他更識搶鏡。談到《金2》已進入結局篇，山聰呼籲大家要留意結局，稱有意想不到的彩蛋。