否认儿子离婚一事！TVB高层今日出席《婚后事》造型会

王敏奕曾国祥被传婚变曾志伟开腔回应：离婚幸福咪由得佢哋离啰

王敏奕（Venus）与曾国祥在2019年于北海道举行婚礼，婚后二人一直表现得非常恩爱甜蜜。不过近日突然传出二人婚变，有指王敏奕将其IG上与曾国祥的合照全部删走，甚至乎连“纹身婚戒”亦都无得留低，婚变传言甚嚣尘上。

今日（26/4）王敏奕现身电视城出席TVB剧集《婚后事》造型记者会时，老爷曾志伟陪同在则，就婚变传闻作出回应。

曾志伟笑言：“话佢哋婚变，一听就知道系假啦。两日内话我坐轮椅，又话我个仔离婚，真系无得顶。大家咁关心我，但系全部都系假。唉，不过我哋做演艺界始终有人提，总好过冇人提。但呢件事始终都系传言，咁所以都系得啖笑啦。我有揾过我个仔，但佢又冇覆我。心谂早两日先同佢哋两个食过饭，冇理由咁快离婚㗎。（会唔会真系离咗婚，你唔知？）嗰日好似系，但后尾第二日结返，哈哈！（系唔系担心venus要回应，所以现身？）我唔担心，如果佢哋离婚系幸福慨，咪有得佢哋离啰。不过有时啲嘢真系好好笑，我哋做呢行，如果样样嘢都紧张慨话，就唔适合做呢行。”

对于删走IG所有同老公的合照，Venus就这样解释：“其实成件事都得啖笑，婚变系假。而手上纹身方面，系因为拍嘢慨时候系要遮。而IG啲相系公司啲PR决定，要我整理一下。（为今次剧集宣传！）冇呀，绝对冇宣传成分喺里面，同埋删相个件事喺3个月前已经做咗。不过里面有啲珍宝慨嘢系冇删走到慨。”

王敏奕传婚变后首亮相曾志伟突现身：冇担心过

艺人王敏奕（Venus）近日在社交网删走与老公曾国祥的合照及婚照，因而传出离婚消息，近日正拍摄有关婚姻危机题材剧集《婚后事》的她，认真应景。

王敏奕下午在将军澳电视城出席新剧拜神，TVB总经理兼她的老爷曾志伟突然现身支持。两人随后一齐接受访问，志伟被问到是否来撑新袍场？他笑说：“新袍唔使撑啦，佢咁多嘢做，我都唔记得呢套剧有佢，今日嚟系撑林肯，剧本写得好好，好贴地。”

志伟被问到儿子曾国祥与新袍王敏奕传婚变？他指明知事情是假，故没有担心过：“冇留意，因为对上一晚先同佢哋食完饭，第二日就话佢哋离婚，个进度有冇咁快呀，之前够话我要坐轮椅啦，等我睇吓系咪犯太岁先。”

王敏奕则亲身否认婚变：“反而要同一啲相信咗，担心我哋慨人讲声唔好意思，屋企人反而唔担心。（点解删除晒啲相？）因为工作关系，想整理下用工作相为先，冇谂过咁做会令到大家咁担心。（洗咗婚戒纹身？）冇（展示手指纹身）。（老公知唔知呢件事？）佢返咗嚟两三日，已经返咗去英国拍嘢，我都有转发畀佢。”

讲到剧中她与罗子溢、罗天宇的激情亲热戏，老公是否不能看？志伟即抢答笑说：“所以咪冇眼睇走咗啰。”王敏奕则指老公一向不会干涉工作，所以也不用“备案”。