追《愛回家》進度呂慧儀母親節正日照開工

TVB處境劇《愛．回家之開心速遞》中午（5日）於將軍澳電視城舉行活動，一眾劇中藝人包括劉丹、單立文、騰麗名、呂慧儀、湯盈盈及姜麗文等齊齊出席，適逢母親節將至，活動上眾人大玩遊戲，由男藝人接受「懷孕」及「扎肚」等挑戰，感受母親十月懷胎的偉大。

育有一子的呂慧儀表示母親節當日仍要開工，她説：「好彩只系上午開工，下晝會帶埋媽咪同個仔去郊外踩單車，夜晚就由我負責煮飯，我好耐冇煮啦。

（母親節仲要你煮？）我好鍾意煮飯㗎，平日都冇時間。（阿仔有咩表示？）佢識煎蛋希望佢到時會煎，往年就會畫畫同寫卡。」

她指近日正為《愛》追進度，期望一兩星期內能追回進度。

問到劇中丈夫「龔燁」張景淳幾時回歸，她笑稱：「阿爸（劉丹）都好想虐待女婿啦，希望佢早啲返嚟。」

單立文分享內地拍攝經歷：我啲普通話系有限公司！

藝人單立文今日（5日）出席《愛．回家之開心速遞》宣傳活動，剛從內地完成電影拍攝回港的他，身形清減不少，他分享了今次內地拍攝經歷：「首先我啲普通話真系有限公司，尤其啲北方語言我真系『唔地隨』，3成系聽到、5成系靠估，剩番嗰2成系好彩撞中，真系要多多進修。」

問到是否刻意於開戲前減磅，他笑言：「自己有少少睇唔過眼，所以特登Keep嚇，不過到我有呢個醒覺嘅時候部戲都差不多拍完，哈哈！當益嚇《愛．回家》囉。」

他指今次拍攝碰巧內地疫情爆發，結果行程像走難一樣：「我哋今次要去4個地方，深圳、廣州、汕尾嘅海豐同埋海南島海口，深圳就嚟封城我哋都有戲未拍曬，劇組一朝早就決定要走，我同老婆行李都未執唔理咁多就塞曬啲嘢落篋，再坐車去廣州，架車系臨時臨急搵，爛溶溶不特止，個司機又亂睇燈，好驚險㗎。」

他指因他們從深圳出發，所以汕尾指不能拍攝，後來決定去清遠但情況一樣，最後與汕尾協商後才得以繼續拍攝，表示3個月內做了過百次核酸檢測。

姜麗文好萊塢拍完劇返港：學到好多嘢！

藝人姜麗文今日（5日）出席《愛．回家之開心速遞》宣傳活動，剛由好萊塢拍劇後回港的她大談於當地拍攝感受，她説：「去咗1星期美國，不過熔斷機制下要喺泰國轉機先返到香港，咁啱泰國都有少少工作，今次好萊塢體驗好唔同呀，我入咗行都差唔多14年，但去到好萊塢就覺得自己好新，導演叫Action嗰嚇我冇問題完全識做，反而佢哋幕後用嘅術語就同我哋香港唔同，學到好多嘢。」

她指父親秦沛乃首位華人到好萊塢拍電影，比李小龍還要早，所以父親對她能到好萊塢拍劇感到高興，問到父親有否教路時，她説：「爸爸近呢5年開始少咗畀意見我，反而開始多咗鼓勵我，叫我相信自己嘅能力。（會唔會再去好萊塢？）好想呀，我邊度都得㗎，去內地、日本、美國都好開心，每一個機會嚟到我都好開心。」

她指今次去好萊塢的工作由自己接洽，導演亦很好給予她一個較多對白的角色。