陈晓华讲妈咪即爆哭！林凯恩同妈咪一齐戴四方帽

陈晓华讲妈咪即爆喊：我哋会嗌交同好少讲嘢

前港姐冠军陈晓华（Hera）、黄嘉雯、杨卓娜与老公及女儿等，现身TVB节目《日日妈妈好》分享与母亲的相处点滴，Hera透露与妈咪关系较为特别，因二人均为“爱在心里口难开”类型，笑指受到其他嘉宾开心经历感染。

她甫开口讲妈咪即流下大滴眼泪：“可能你哋同妈咪系好好朋友，咁我同妈咪好少讲嘢，但我哋好关心对方，好似韩剧咁，有时嗌交会嗌得好劲，但又要喊晒揽番住和好。我哋唔系揽头揽颈嗰啲、又或者会倾好多偈嗰啲，我哋系唔出声但会好关心对方慨关系，加上入行之后，妈咪好担心同我讲得多会变咗压力，所以变得更加少同我讲嘢。”

虽然如此，但Hera指最爱与妈咪一起睡午觉：“因为妈咪有啲肉地、好好揽，所以我好钟意揽住佢，我哋Keep住都系静啲。”

有3名女儿的杨卓娜，其中两名是与现任丈夫杨志翘的继女儿，卓娜一直对她们视如己出，坦言与女儿们是好朋友关系：“我同小朋友除咗系好朋友，我会畀佢哋知我系佢哋妈妈，希望佢哋明白喺家庭入面妈妈慨角色。我唔需要佢哋以后有咩回报，但想佢哋识得感恩，因为佢哋以后会有小朋友，佢哋要识得将呢份爱同孝义承传落去。”

她更笑指做了妈咪后，变得更重视母亲节，由于没有与母亲同住，故偶然会很想念母亲，还试过半夜流下思念的泪。

她边哽咽忍泪边说：“有时我同阿妹通电话，因为佢同妈咪一齐住，我就好耐冇同我妈妈一齐住，呢啲时候就会好挂住妈妈，半夜三更会因为咁喊。”

手牵手毕业！林凯恩同妈咪一齐戴四方帽

曾参选港姐的艺人林凯恩，近年凭TVB处境剧《爱．回家之开心速递》成功入屋，近日亮相无线节目，提到剧中饰演乖乖女，原来现实生活中亦同样是孝顺女一名，与妈咪情同姊妹的她，透露当年参选港姐是为了帮妈咪圆梦。

她说：“细细个已经觉得妈咪好靓，佢后生时好有气质。到我大个化咗妆，企喺妈咪隔篱，啲人都系话我妈妈有气质过我。妈妈讲过有谂过选港姐，但奈何要工作，佢以前读中学又玩体操，又识美术，我觉得佢其实畀我更适合入呢行。”

虽然入行后与妈咪少了机会见面，但感情反而更进一步，凯恩表示难忘母女二人一起穿毕业袍！原来林妈妈一直想圆梦读大学，为了能与女儿同一年毕业，林妈妈很用功赶进度，也有现身节目的林妈妈说：“因为能够同个女一齐戴四方帽影相，唔系好多人有呢个机会。”结果皇天不负有心人，母女一起穿上毕业袍，更手牵手拍了毕业照。

对于与妈咪一起努力完成学业，凯恩笑言感觉有趣，因不时跟进妈咪的读书进度，林妈妈亦直指女儿比自己更像母亲：“佢真系好孝顺，好紧张我，有时我冇听电话，佢就问我做乜唔听电话，你去咗边咁？”