馮允謙個唱加場終極目標出年做老襯

唱作歌手馮允謙（Jay）將於7月2至4日於九展舉行演唱會，他今日（12日）出席活動時宣布再次加場，他開心地說：「好感恩，最初同公司傾系開2場，公司話優先訂購反應好，所以決定開3場，點知公開發售喺一日內賣曬啲飛，所以依家再加多一場。

文章來源：TVB資訊台 W博：@香港TVB資訊台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

之前好多朋友都話買唔到飛，依家加場，希望大家都睇到。公司畀好多信任我，同對我好有信心，開多場真系唔簡單。我依家要努力操弗啲同保養好聲帶。」

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

問到是否為騷肌而操弗身形？他笑言不一定騷肌：「粉絲話我唔需要除衫，佢哋怕我凍，話會帶定羽絨畀我，又話如果有人叫除衫，佢哋會大叫著番衫。」

Jay透露除了準備個唱外，還有其他工作，要努力寫歌還歌債給其他歌手，問他是否賺不少？他謙稱：「唔系，我要努力啲，我有個目標想結婚，希望儘快啦！（出年結？）希望啦！依家專注演唱會先。」

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

同場的歌手張天賦（MC）被問到是否在頒獎禮得獎後，多了不少品牌活動？他否認：「其實唔系，因為之前疫情所以停咗，依家疫情緩和所以多番。我都昵埋屋企好耐，希望多啲機會表演同唱歌畀觀眾。」

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

他表示計劃今年內舉行演唱會，詳情未能透露：「場地當然愈大愈好。（有咩要籌備？）出多啲歌，仲有開咗好耐嘅空頭支票，跳舞同減肥，我減肥系戒澱粉質同甜，但愈冇得食就愈想食，我減咗2日，但今朝已經破咗戒，今朝著褲都有啲困難，所以都需要減。我依家一星期上一堂跳舞，遲啲會密集啲。」