预告同ViuTV好多合作计划！TVB离巢小生刚走劲赚6位数

星岛网：独家丨余德丞预告同ViuTV好多合作计划 自由身个几月拍广告劲赚6位数

余德丞（Dickson）上月离开工作8年的TVB，即涉猎多个范畴，自认Slash一族的他，努力向KOL发展，而经营逾两年多的YouTube频道，亦得到网民力撑，订阅人数激增5倍，最重要深得广告商欢迎，自由身个多月已接拍多个广告劲赚6位数。

而刚于商台《口水多过浪花》变固定主持的他，自爆曾经请辞，又透露跟ViuTV将有好多合作计划，未来更希望开个人工作室，自己捧自己。采访：杜杜 摄影：梁有财 场地：The Fleming Hong Kong

Dickson拍片大部分工作自己包办，虽然吃力，但满足感特别大。

离巢前，Dickson的个人频道只得1万多订阅，短短个多月已增至6万多，他认为原因好简单，“我唔系恒常拍片，恒常拍片后多咗一班支持我慨朋友，好开心佢哋会畀好多意见我。”

每周Dickson都会有新片上架，虽然分美食、生活及游戏三个主题，但为食的他以拍饮食片为主，“我好钟意食嘢，使钱喺食嘢多过买衫，食一餐好食慨嘢令我满足又开心，唔理贵定平，最紧要好食。”

坚拒拍摄贷款广告

同为YouTuber，Dickson不敢视已上神台的林芊妤（Coffee）为目标，“佢太劲，我冇可能去到嗰个位，我只希望我慨片得到认同。”

未来他会发掘更多题材拍片，例如打机片。拍片一脚踢的他，认为离巢前参与《真女神转身》最有帮助，“节目慨定位、资料搜集、构思内容，揾女嘉宾，甚至摆机位，我都有帮手，8年练习去到最尾有份制作慨综艺节目，帮咗我好多，自己出嚟拍片，识得点样拿捏。”

Dickson坦承靠频道收入揾唔到食，不过他拍片风格得到不少广告客户欣赏，已接了多个网上广告，虽然压力大，但满足感亦大，“1分钟之内个客要有咩shot，点样融入去系吃力慨，要花多啲时间，但最后个客同观众都钟意睇，会好开心。”

刚出街有须刨和电讯广告，他预告还有日本服装连锁店等不同类型广告，甚至有电视广告揾上门，收入亦好满意，“点都有6位数，但啲人见到6位数就会谂90万，哈哈！好开心，最主要系满足感，有时唔系收嗰份钱系咪赚到最尽，系当中个过程学到嘢。”

不过他强调贷款广告就一定唔会接，“有机会令到人身败名裂，呢个系我其中一个底线，无论酬劳几多都好，都会落闸。”

感激Do姐不断提点

Dickson开拓的新一瓣，就是为商台《口水多过浪花》担任客席主持，他感激Do姐的帮助，“佢系个好值得信赖慨前辈，我的确问过佢好多意见，当然佢唔会捉住你点样行啦！但系会畀个方向你思考，家每日都会问我工作成点，好开心得到佢慨提点。”

不过Dickson自爆曾主动请辞，“第一个礼拜做得唔好，我亦都好担心，唔想畀人负面感觉，我同佢哋讲不如唔做啦！但佢哋都有鼓励我试多阵，返份工试用期都唔会得几日，好开心同多谢商台畀机会。”

继早前亮相Now Sports节目《Football Party Room》后，Dickson预告将会跟ViuTV有不少合作，“暂时上咗两个综艺节目做嘉宾，剧集都接洽当中。”

未完待续,请点击[下一页]继续阅读