吴业坤娶日本女优后首现身！已想好造人大计：生仔定女都无所谓

吴业坤娶日本女优后首现身谂定造人大计：生仔定女都无所谓

歌手吴业坤成为人夫后，今日（19日）首度出席假apm举行的父亲节活动，明显幸福肥的他肚腩凸凸，现场除有数10粉丝举牌支持外，其母兼父职的妈咪亦捧场，但未见其新婚日本女优太太滨口爱子。

文章来源：TVB资讯台 W博：@香港TVB资讯台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

在台上的他更特别表示：“好多朋友恭喜我系咪做爸爸，其实唔系，我太太好惊，因为佢好怕畀人话奉子成婚。”

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

活动后，他接受访问时表示太太有同行，但不想曝光而“走咗”：“佢都唔系圈中人，等佢适应吓香港生活先啦，唔想佢吓亲，等迟啲会正式介绍畀大家认识啦，迟啲都会喺香港补摆酒慨。”

他又指打算几年后才生BB，到时生仔定女都无所谓，现时夫妻间保证好“安全”。

想组夫妻档

他透露稍后将和太太分开，将返内地拍剧数个月，而太太因为签证问题未能陪同，故先返日本工作，但不是重返日本演艺圈。问太太会否将留港发展，他说：“睇吓佢适唔适应先，啱先再行动，我都教紧佢广东话，或者组夫妻档，我做佢经理人。”

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

问到和太太是否闪婚，他又说和太太都认识了一段时间才开始，但就讲不出拍拖多久：“都拍咗一段时间，断断续续咁，我唔讲咁多，怕太太唔钟意。（太太都系艺人身份㖞？）佢冇接受过访问㗎！”

对于太太被赞身材好，他用错词语说：“不敢恭维，我唔系睇外表，系睇内涵，我都有问太太系咪钟意我个样，佢话我个样似狗仔。”又称娶日籍太太，非因其国籍关系：“我细个时系好钟意日本文化，啲漫画呀，剧情呀，但因为咁而娶日籍太太，想法好变态。”

屯门筑爱巢

谈到现时两夫妇和妈咪同住，他就话绝对没有婆媳问题：“佢哋最大问题系言语，不过佢哋都已经系同一阵线。”

他又指屯门物业将是两人的爱巢，但尚未收楼，相信要等半年才可搬入。

至于未来工作，他说会加盟TVB Music Group做歌手，现只欠动笔签约，问近年频和友台ViuTV艺人合作拍片，可有抵触？他觉得问题不大：“我都有问过公司，希望愈嚟愈开放啦。”