林作撩陳凱琳細佬驗DNA徵收兩條毛被網民圍剿

前姐陳凱琳（Grace）與弟弟Derek日前在社交網分享與父親的照片，當中父子因「唔似樣」再成熱話，向來愛「抽水」出風頭的林作即把握機會，公開向Derek發出挑戰，表示若對方跟陳父驗DNA證實父子關係，即付100萬！此言一出即惹來大批網民圍剿，轟他多管閒事，而Grace一家懶理是非，她更大曬靚背，心情未受影響。

陳凱琳與龍鳳胎弟弟Derek日前趁父親節分享與爸爸的合照，由於Derek膚色深，加上外貌似混血兒，被指與爸爸不似樣，引起網民熱議。「抽水王」林作不放過這個機會，在社交網留言表示願意用100萬向Derek發出挑戰，揚言要幫他們兩父子驗DNA。

若證實是親子關係即付100萬：「本人願意用100萬港幣向Derek Chan not Cheung發出挑戰：畀你一條毛畀我，同埋你老竇一條毛。如果DNA比照證實你哋系父子，我畀100萬你。如果唔系，順便比照系咪有印巴血統。順便咋，純八卦，驗到冇嘅我都畀100萬你。」他指另一位Derek（即鍾培生）之前拳賽給他的100萬還未用，所以發出這個「百萬挑戰」，並揚言信心十足。

此文一出，即引起網民激烈批評，不少人鬧爆林作：「人哋家事關你叉事」、「抽水抽到……令人非常討厭。」

至於Grace一家懶理被挑機，Grace繼續專注做KOL，昨日在社交網大曬去做美背的照片，盡騷白滑玉背派福利，又去食大餐，似乎未有閒情理會林作。而去年Grace與細佬首次出席公開活動時，已就「唔似樣」一事回應：「可能系一男一女，我都當然希望我哋似樣嘅，始終我哋系Twins，我諗細個BB嘅時候系最似，中間都有段階段冇咁似，依家又好似差唔多。」

逐一反擊陳母說詞

有網民翻炒陳凱琳母親過往就兒子「唔同樣」一事的回應，當時她指Derek的外婆是馬來西亞人，加上兒子喜歡戶外活動，又從小在加拿大生活，當地食物賀爾蒙多，樣貌才會似足混血兒。

林作見Grace一家零反應，昨日就陳母的昔日言論在網上逐點反擊：「不回應沒問題，低調沒問題。不承認沒問題。但系事實就系事實，不容亂講。馬拉人Malay並非此容貌。戶外活動我做好多，唔見我咁嘅樣。加拿大食物食到中國人變南亞人樣？」

林作昨日受訪時指拿出100萬沒有任何難度，今次挑戰全因「忍無可忍」：「真系忍咗好耐，我身邊朋友都知，呢9年我一直對呢件事好有疑問，人哋嘅家事當然唔關我事，但陳媽媽曾經公開講過『唔似樣』嘅原因，我就可以作出公開評論。好多嘢系人都睇得出，但冇人肯企出嚟講啫！」記者就林作百萬挑戰一事致電Grace及其丈夫鄭嘉穎，至今未有回覆。

陳凱琳懶理弟弟被質疑唔似爸爸心情靚爆慶祝31歲生日孖老公放閃

陳凱琳（Grace）於明日（23/6）便迎來她的31歲生日，近日她已展開了連串的慶祝活動。在剛過來的父親節，Grace的龍鳳胎細佬Derek因為於IG post了他與爸爸的最新合照而引起了網民熱烈討論。

Grace與Derek感情極好，然而這些負面新聞都無損Grace的心情，她昨日依然心情靚靚與老公鄭嘉穎，一對寶貝仔仔以及幾位好友在家中開Party預祝生日，並於她的IG分享了這個生日Party的片段。

片中可見Grace親自預備海鮮美食，舉行了一個以80年代為主題的生日派對，玩得十分開心。

有老公和仔仔陪伴慶生的Grace相當幸福，而仔仔的萌爆樣子就好搶鏡，且似足爸爸鄭嘉穎咁靚仔。