《白色強人II》內地率先播李佳芯有望回歸？

TVB劇集《白色強人II》近日於內地網站率先播出，當中最令人關注嘅，絕對系視後李佳芯飾演嘅「Kennis」一角嘅去向，事關上輯結尾其角色做無國界醫生時，被軍人用槍指頭生死未卜，而現實中李佳芯亦曾被指因雪藏而飛出劇集。

不過劇集一開頭就交代原來Kennis消失咗足足兩年，而好姊妹「Zoe」唐詩詠就為咗等佢返嚟，一直唔同「唐明」馬國明復婚。

文章來源：TVB資訊台 W博：@香港TVB資訊台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

其中馬國明講到：「都兩年啦，中國領事館同嗰邊反政府軍都周旋咗咁耐都冇消息，我知好難接受，但你真系覺得Kennis真系仲可以返嚟咩？」唐詩詠則堅定表示：「我條伴娘裙系留俾佢㗎嘛，冇佢其他人唔准著。（咁如果佢真系返唔到嚟？）咁你陰功啦，做寡佬啦！」

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

之後，唐詩詠仲播出Kennis出事前錄音：「Zoe，Kennis呀！你知唔知呢我頭先瞓覺發夢嗰陣夢見啲咩呀？我夢到我結婚嗰日著住婚紗走入教堂，仲有一個細佬女幫我做花女，原來嗰個系你同唐明個女嚟㗎！咁即系話，我唔會有事，我仲可以有命走入教堂，我仲可以有命睇住你同唐明結婚生仔，不過你唔好話畀你未來老公聽喎，OK？」

場面感人，亦令唔少網民好有信心李佳芯或會以客串形式回歸劇集！

《白色強人2》內地首播 李佳芯無緣拍攝：或多或少都會感到可惜

李佳芯（Ali)昨日現身中環出席《夢中.情.人》記者會。提到在第一輯《白色強人》劇集入面飾演程醫生Kennis一角，她於結局一集生死未卜。而第二輯《白色強人2》在內地正式首播，雖然有指她無緣參於拍攝，但在第二集中仍能聽到她的聲演讀白，令一眾視迷大感疑惑，猜測她能否在結局之前出現。

Ali表示：「第一集我冇睇到，所以我係唔知嗰啲對白係咩內容，同埋我冇為第二輯錄音，咁所以可能佢哋將我喺第一輯講過嘅對白剪返落嚟，然後放咗落去今輯嘅首集度。（無緣參演第二輯會否感可惜？）總會係有感到可惜。始終第一輯自己有份拍，同埋同大家又拍得好開心，加上個故事又好有意思，總括來講冇得演第二輯或多或少都會感到可惜。」