梁靖琪宣布又佗仔大仔「留言」終於有人同佢打交

藝人梁靖琪（Toby）昨日（16日）與老公Jon齊齊以情侶裝出動拍拖，甜蜜非常，已育有一名兒子Roman的他們，上月宣布再有喜。

今日她更於兒子的社交平台發放消息，指今胎同樣都是佗「仔」，換言之，Roman快將有個弟弟。

Toby以英文代Roman留言：「Everyone's wondering if i'm going to have a younger brother or sister......someone to play with me,to fight with me,to grow up with me:細佬-I 'can't want to meet you！(大家都期待我將會有弟弟或妹妹......有人陪我玩，陪我打架，陪我一起成長，細佬，我等不及待要見你了。)」

Toby更上載了腹中塊肉的超聲波相片，而好姊妹佘詩曼亦開心留言:「Welcome dee dee！」

恭喜恭喜！38歲前TVB女星宣布懷二胎

38歲梁靖琪宣布再度懷孕IG曬驗孕棒報喜：開心到彈起！

現年38歲的梁靖琪（Toby）前年下嫁圈外老公施雋賢（Jon），並於同年12月誕下的兒子施睿文（Roman），一家三口樂也融融。

今日（7/10），梁靖琪宣布再度佗B，並於IG貼出一張驗孕棒照片：「We』re jumping for joy right now! Feeling sooo blessed with what God has gifted us.（我哋而家開心到彈起！真係好幸福，上帝送咗份大禮畀我哋）」。

這條ig吸引陳凱琳、蔚雨芯、林子善和蘇麗珊等大量「星級網民」留言祝福。

另外，Toby亦有透過Roman的IG發文：「I』m going to be a BIG BRO. Will I have a baby brother or baby sister?（我好快做人哥哥喇，我係有個細佬定細妹呢？）」

讓我們回顧一下Toby的第一胎新聞索引：

終於坐完月！TVB花旦著家庭裝出關拜年

藝人梁靖琪（Toby）去年尾榮升媽媽，12月27日誕下囝囝施睿文（Roman Sze），坐完月嘅佢新年終於可以「出關」，同老公Jon帶埋囝囝去拜年。

Jon喺社交網大曬多張合照，見佢哋一家三口著上粉紅色家庭唐裝衫，相當溫馨！

約一個月大嘅Roman，全程眯埋眼瞓覺，完全冇扭計十分乖巧。

Toby對於全家出動拜年非常興奮，佢留言表示：「年初一、我們去街街啦！Sze Family 祝你們新年快樂、身體健康、開開心心。」

兒子百日宴！前TVB女星在家中小搞慶祝

藝人梁靖琪上年年底誕下囝囝施睿文（Roman），話咁快Roman仔已經一百日大喇，梁靖琪同老公都有為Roman搞番個百日宴。

相信因為疫情關係，佢哋喺屋企細搞，見現場冇好多裝飾，只系小量汽球同埋蛋糕仔，一切從簡，梁靖琪曬出同老公、囝囝嘅合照，一家人相當溫馨，梁靖琪留言指好多感生命中有囝囝出現，話爸爸媽媽都好愛佢，希望佢開心地成長！

阿佘鍾麗淇除罩祝賀！梁靖琪37歲生日攬實老公

藝人梁靖琪（Toby）早前榮升人母，現樂於享受做媽媽。

今日系Toby的37歲生日，好姊妹佘詩曼（阿佘）同鍾麗淇亦有同Toby慶生，即使依家疫情嚴重佢哋都冇有怕，仲除罩齊齊慶祝，果然姊妹情深！

見阿佘同鍾麗淇向Toby送上精緻蛋糕，阿佘又大曬同Toby頭貼頭合照，而Toby則抱住剛滿兩個月嘅囝囝Roman，阿佘以英文留言，「我希望你嘅生日過得非常甜，嚟緊人生繼續充滿歡樂。」

Toby回覆，「I love Uuuuu」。而Toby亦有Po出同老公二人世界照，感激老公預備嘅晚餐，令她有個開心晚上，但她都有話今次系第一次離開囝囝，好不舍！