星島網：獨家丨林欣彤怕男友撐場有壓力 拍住隊長陳國峰開騷好安心

林欣彤（Mag）和陳國峰將於8月跟香港業餘管弦樂團合作舉行《仲夏夜之韻》音樂會，兩人自2010年參加《超級巨聲2》後，一直未有機會同台唱歌。

Mag認為跟隊長同場份外安心，而他們早前都不幸中招，受後遺症影響要更早為開騷做準備。至於跟Anton（馮卓然）公開戀情的Mag ，又話擔心男友撐場有壓力。

文章來源：TVB資訊台 W博：@香港TVB資訊台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

採訪：杜杜 攝影：沉健程髮型：Franco@Leonardo3 Museum Hair Corner(Mag)服裝：ITeSHOP(Mag)

Mag和當年《巨聲2》隊長的國峰，原來賽後12年來一直未有同台唱歌機會，她說：「連一啲工作場合要唱嚇歌嘅，我哋真係未試過。」

因少合作，國峰承認壓力特別大，但Mag卻剛好相反，她對著隊長話：「我係冇乜壓力，我交畀你㗎啦！你係散發住令人好安全嘅感覺。」

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

享受網上放閃

Mag和國峰早前都在第五波疫情中染疫，國峰當時都擔心唱唔返歌，「我個range係低咗好多，唱唔到以前唱到嘅歌。」好彩他已大致康復，只是跟Mag一樣有腦霧，所以他門都好擔心演出時忘記歌詞。

不過Mag的後遺症就嚴重得多，「我初初可以出返街，行行嚇超級頭暈，然後手軟腳軟冇曬力，會維持兩分鐘；同埋成日講講嚇嘢，突然唔記得想講咩，睇緊中醫調理，慢慢好返啲；肺活量好明顯差咗，我做返運動，辛苦咗好多，都係做以前同樣嘅嘢，最誇張係肌肉好明顯鬆弛咗好多，我彈琴嚿肌肉都好容易攰。」

講到開騷當日，國峰一定會邀請家人支持，「我都想屋企人見證住，對上嗰次就帶咗哥哥（大仔），因為細佬未出世。」

而Mag亦大方承認想男友到場，「如果佢肯嚟梗係好啦！但係我諗我都會有壓力囉！（因佢都係音樂人？）係啩！我都唔知。」

講到她最近經常網上放閃，她即撒嬌話：「你哋由我啦！未試過嘛！開心嘢都可以share多啲出嚟。」她又呻國峰經常曬家人相卻冇人講，記者即笑她可以學國峰一樣組織家庭，她自知失言，「嘩！畀咗個凼自己踩，哈哈！我暫時唔想諗呢一步住，想專注返事業先，冇諗得太遠。」