星島網：獨家丨尹詩沛想做田蕊妮2.0 靚女做唔到轉攻性格演員

尹詩沛(Nicole)於剛播畢的TVB劇《十八年後的終極告白2.0》中非常搶戲，獲網民力捧做「女一」。

Nicole唔敢諗太多，認為循序漸進最好，更慶幸新劇《童時愛上你》中演繹由頭帶到尾嘅角色，覺得演員路又行前一大步，她希望向性格演員目標邁進，有朝一日可以成為另一個田蕊妮及苑瓊丹。

文章來源：TVB資訊台 W博：@香港TVB資訊台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

採訪：方騫平 攝影：梁比利 髮型：Kevin@Giho 服裝：BE/NOTABLE

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

尹詩沛入行已12年，於新劇《童時》中終於有個固定角色，劇中演無知嘅千金小姐。以往她演過嘅角色都好爆，除咗喺《十八年後2.0》做靈媒及假扮大肚婆；

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

《金宵大廈》中演同性戀舞女「芳芳」；仲有《一笑渡凡間》「冬瓜嬌」等。提到演藝生涯，Nicole最印象深刻係演《十八年後的終極告白》嘅「豬肉婆」。

最難演豬肉婆

Nicole坦言豬肉婆好難演，「因為未知能否揣摩到角色，當時有好深感受，每拍一場戲都要Keep住低落情緒，拍完之後有一段日子好唔開心。」

至於拍攝《十八年後2.0》，Nicole都做咗好多功課，「為扮假大肚婆增肥10磅，又參考謝雪心及羅蘭姐問米表情，其實做演員最開心可以做啲平時做唔到嘅嘢，有機會體驗人生。」

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

另外，Nicole又唔介意做配角，覺得更加能帶動劇情，問到目標係咪想成為已升做女一的陳自瑤？

她說：「陳自瑤做乜都叻，但我冇得做靚女，反而想好似阿田及苑仔做性格演員。」

對於觀眾給予大量鼓勵，她形容感覺實在，自信心都返曬嚟，父母亦為她高興。