星島網：孫慧雪40歲生日不忘派福利 自覺開始成熟少了輕狂多了承擔

索人妻孫慧雪（雪雪）昨日（11日）踏入40歲，是人生重要的階段。連日雪雪都在社交網派福利，上載泳裝照騷33C完美身段，原來是跟家族做木材、夾板批發商富二代老公羅天彥（Edwin Lo）同4歲囝囝Riley一齊去Staycation，除了盡情又飲又食，亦不忘到泳池游水消暑。

雪雪一向緊張工作，婚後都未有迭埋心水做少奶奶，她自爆有時連生日都忘於開工，令另一半有怨言。

文章來源：TVB資訊台 W博：@香港TVB資訊台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

她說：「每年一到我生日，我老公都會好苦惱，唔係因為苦惱安排咩節目，而係唔知安唔安排好。因為無數次佢安排好節目，結果我都係要返工，我記得有一年，成班朋友唱住K等我，結果我凌晨四點放工，去到佢哋都已經醉嘅醉瞓嘅瞓，最後成班朋友陪我食早餐我老公甚至每一年都會埋怨，連求婚嗰日，都係求完婚之後，我就匆匆忙忙返工今年好幸運，竟然正日放假，可以享受下family day」。

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

踏入4字頭，雪雪自覺人成長了佷多，寫著：「以前覺得全世界都係好人，而家識小小避開啲壞人；以前會成日好想出去玩，而家只會成日好想返屋企；以前經常瞓到自然醒，而家鬧鐘未響已經會醒；以前天跌落嚟當被冚，而家乜都會擔心。也許這就是開始成熟、多了承擔、少了輕狂，卻始終是我！」

她期待未來有更好的自己，「要活得仍舊是自己喜歡的模樣！但願每天繼續努力的過！繼續開心、繼續漂亮祝我生日快樂」。