星島網：張寶兒去日本拍TVB新節目不捨老公 跟袁偉豪影四格證件相放閃

張寶兒日前出發往日本拍攝TVB新旅遊節目《45日環遊日本》（暫名），出名是「愛妻號」的袁偉豪亦有現身送機，兩人臨別之際拍下即影即有「四格證件相」，大放閃光彈。

節目請來曾走訪130多個國家的「旅遊達人」項明生帶隊，並將與兩位靚女主持分兩Round、用45天時間豪游日本。

全程制霸日本列島4個大島、走遍25個都道府縣，在12,000公里旅程中，更會大歎米芝蓮星級餐廳、入住天價絕景溫泉旅館等，率先體驗疫後日本最新玩意，而張寶兒則是旅程中其中一位主持。

文章來源：TVB資訊台 W博：@香港TVB資訊台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

入閘前張寶兒接受《娛樂新聞台》訪問，她透露對上一次出埠已是兩年半前：「對上一次都係去日本，依家去日本要提前安排好曬啲行程，返嚟時嘅隔離酒店同埋機位都好難Book！」

今次亦是她婚後首次與老公分開這麽長時間，她坦言感不捨：「有好多嘢要處理，好似屋企貓咪嘅嘢食、老公啲咖啡豆，同埋要交代好屋企啲嘢擺喺邊。」

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

提到袁偉豪日前於社交網上載舊照慶祝入行25周年，張寶兒表示：「佢好鍾意Keep舊相，仲會周不時拎出嚟畀我睇，所以都習慣睇佢以前個樣，對佢爆炸頭、長髮Look最印象深刻，唔好整番爆炸頭喇，依家唔興！」

抵達日本後，張寶兒曾在社交網做直播，帶網友「眼睛去旅行」，她曾到福井縣的東尋坊參觀，又大曬當地自然靚景。

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

而昨晚（19日）她更拍下素顏樣子，完全不介意以真面目示人，此外又有拍下到金沢21世紀美術館拍攝時的花絮片。