明報OL：MIRROR演唱會事故︱古天樂震驚難過 吁停止轉發不安片段

人氣男團MIRROR昨晚舉行第4場紅館演唱會時發生嚴重事故，舞台上方其中一個懸掛的巨型螢幕突然跌下，壓傷舞蹈員張梓峯及女團COLLAR成員So Ching（蘇芷晴）的男友阿Mo（李啟言）。政府凌晨發稿叫停演唱會，主辦單位Music Nation及MakerVille事後發聲明致歉，稱會徹查事故，及取消餘下MIRROR演唱會場次及網上直播，退票手續則容後公布。

意外片段不斷在社交網流傳，香港演藝人協會會長古天樂凌晨在社交平台發文，呼籲大家為傷者祈福，停止發放或轉發意外片段。他說︰「今晚香港演藝界發生了嚴重的舞台意外，令人震驚和難過。我請大家一齊為傷者祈福，並停止發放/轉發令大家不安的片段。沒有人希望意外發生，即使一次也嫌多。當下最重要是專注去處理和協調事件，再全面關注及檢視今後所有台前幕後人員演出的安全問題，以免重蹈覆轍。再次，希望大家以正念為傷者集氣祈福，早日渡過難關。願大家平安。」

星島網：MIRROR演唱會丨王貽興大爆ViuTV內部黑幕 數臭有人私相授受度縮慳皮

MIRROR演唱會自周一（25日）開騷以來，舞台機關意外頻生，不少網民連日來都看不過眼出post鬧爆，昨晚（28日）更發生算是紅館開館以來最嚴重意外，巨型螢幕由台中高空跌下，壓傷兩名舞蹈員。

曾在ViuTV主持節目《晚吹》，又參與過ViuTV 劇集《VR驅魔人》和《黑市》的王貽興，今日以千字文大爆ViuTV內幕，指他們罔顧人命、榨乾榨盡旗下藝人、賺到盡等，更形容ViuTV「衰過大台」。

談到今次意外，王貽興直指事件成為香港人的共同傷口，並大爆ViuTV私下一向「用人唯親；私相授受」，他post中謂：「錢唔係咁賺，騷都唔應該咁做。唔識做就唔該搵返真正專業嘅人去做，而唔係急就章，用人唯親，私相授受，最後釀成今次不幸意外。」

他又表示大家去享受音樂會，但最終擔驚受怕，大感荒謬：「望住鏡仔行嚟行去唱歌跳舞，仲驚過以前睇楊盼盼高空踩鋼線，點解？點解觀眾要做埋主辦單位做唔到，或者做唔好嘅嘢？呢件事，真心荒謬」。

王貽興坦言這幾年一直沉默不出聲，但如今關乎人命，有需要讓大家知道真相，接著他大爆ViuTV初成立時確實與TVB不同，老闆亦「有火」，但漸漸地兩間電視台根本無分別。

甚至比大台更差：「一樣用人唯親，一樣度縮慳皮，一樣私相授受，一樣賺到盡，罔顧演藝人員嘅安全同待遇……衰啲講句，大台咁垃圾咁hea，但咁多年嚟，就算當年涉嫌中飽私囊嘅商場騷，搞騷都冇慳皮到會縮減綵排時間、製作求其、亂咁外判，最後有呢啲大型意外發生……

今次呢件不幸意外，或者係一嚇好un 耳嘅喪鐘，提醒我哋，如果繼續咁樣盲目支持果間電視台，其實係支持緊佢哋繼續用呢種模式去擴大，去發展，去榨乾榨盡旗下藝人，用最低成本，將藝人用最短視最慳皮嘅方式消費淨盡，佢哋係咪捱殘，情緒有冇問題，係咪身心疲累，仲會唔會再一次當眾暈低，無論係咪佢哋嘅粉絲，都冇人想再見到呢啲咁令人心痛心酸嘅情況發生。」

最後，王貽興表示：「香港人，值得擁有更好嘅電視台；香港嘅演藝人員，亦值得擁有更好嘅平台。至少，唔係罔顧安全、只求賺盡，將香港人當水魚嘅明日大台。」