明報OL：蔡少芬斥王祖藍曾出賣她︰你係咪應該道歉

王祖藍主持的TVB綜藝節目《有個閨密叫祖藍》今晚首播，第1集嘉賓是與祖藍相識超過16年的蔡少芬（Ada）。錄影期間，祖藍與Ada無所不談，Ada更分享戀愛史、求婚瘀事、夫妻相處之道，以及老公張晉、祖藍與自己之間的恩怨。

談到當年兩人出席首映時即興蹺手，Ada透露因此激嬲了張晉︰「我老公好介意，問做咩要咁樣，因為嗰時我同佢都未公開。當時我當祖藍係兄弟，咪蹺住手行囉，我以為冇人相信我哋會拍拖㗎嘛﹗」

Ada又透露曾因祖藍食言，覺得被出賣而嬲爆，豈料張晉反問她嬲什麽。Ada對祖藍說︰「嗰時我就開始懷疑，我同你友誼係咪只係柴米油鹽。其實你係咪應該道歉呀？你係欠我一世㗎！」