陳百祥宣布將轉行不再做演藝工作 20號最後亮相TVB節目

陳百祥（阿叻）、肥媽、彭健新、連詩雅等，今日錄影張秀文、鄭衍峰主持的TVB節目《答得快 好世界》。阿叻為節目的嘉賓主持，他受訪時宣布最後一次做電視遊戲節目主持，今後不再參與主持、電視及電影等演藝工作。

阿叻說︰「我不是27歲，而是72歲了﹗我和阿倫（譚詠麟）同年，冇得呃。我1995、1996年主持《運財至叻星》，平均收視30幾點，最高收視40點，近20年也沒遊戲節目能打破這個記錄。曾志偉跟住我返來無綫做《獎門人》，這個是我一生中最有滿足感的節目，是個好好的終結。《運財至叻星》因涉版權問題，故今次拍的這個節目要改名。」

日前自封跳唱歌手的他被問到是否想再闖樂壇舞斗天王郭富城時說︰「是別人指我叻過郭富城， 我覺得連他十分一都冇。我是靠個腦搵食，不是靠唱歌跳舞。我即將轉行，嘗試接觸新事物。我做過練馬師，從事過飲食業，做過不會再做，再創業跟馬圈無關。」

至於是否返大灣區創業，阿叻說︰「是全中國﹗全世界有華人的地方，我都會做，等我成功後再告訴大家。（開老人院？）有可能，因為我未做過，石天都是退休後開老人院。」

阿叻表示本月20日會在無綫的慈善騷上獻唱，這是他在無綫的最後演出。不過，他否認息影︰「如有人找我，我會做嘉賓。我未來的職業可能會唱歌，說不定會返轉頭拯救樂壇。」

星島網：答得快好世界丨阿叻最後一次任節目主持 72歲轉行試新嘢否認息影

陳百祥（阿叻）今日以《全港智叻星》嘉賓主持身份，到電影視城為遊戲節目《答得快 好世界》錄影，他指因當年《運財智叻星》有版權關係，故現在要改名。

阿叻在訪問時，突然自爆今次是最後一次擔任電視遊戲節目主持，此後不會再參與主持、電視及電影等所有演藝工作：「我唔係27歲，我72歲，我同阿倫（譚詠麟）同年嘅，冇得呃。今次係一個好完美嘅回憶，《運財至叻星》係95、96年推出，平均收視30幾點、最高收視40點，等咗20幾年都冇人破紀錄，我返嚟TVB做遊戲騷之後，曾志偉就跟住做《奬門人》，呢個都係我一生中最有滿足感嘅節目，係一個好好嘅終結。」他更表示不會再做港姐騷司儀。

自言會轉行的阿叻表示，會做一些以前從沒接觸過的工作：「練馬師及同飲食我都做過，亦同馬圈無關，未來會做新項目，（係咪返大灣區創業？）係全中國、全世界有華人嘅地方都會做，等我成功先再同大家講。」

問到是否去跳舞及唱歌？曾自封跳唱歌手的他笑說：「係啲人話我叻過郭富城， 我覺得連佢十份一都冇，我唔係靠跳舞唱歌搵食，我係靠個腦搵食。（開老人院？）有可能，因為我都未做過，石天都係退咗休之後開老人院。」

再被問到是否息影？阿叻就否認，更留後路表示：「有人搵我，我都可能會亮相做嘉賓，我未來做嘅職業可能都會唱歌，到時可能返轉頭救樂壇。」他又透露本月20日將會為仁愛堂的慈善騷獻唱，這是他最後一次在TVB演出。