湯洛雯認與馬國明同居爆有爭拗但男神嫁得過

藝人湯洛雯（靚湯）今日（5日）出席商場活動，久未露面的她透露拍完劇集《隱門》後，由於患上胃炎，休息了一個月調理身體：「個病唔系好嚴重，只系比較難斷尾，要食得好清淡。（休息期間有冇捧男友馬國明嘅《白色強人II》？）都有追，要支持嚇。」

近日馬國明被爆與她同居，靚湯稱因為當時疫情嚴重，所以跟馬國明一齊搬出來住：「依家疫情冇咁嚴重，我哋都成日返自己屋企，可能租一年就唔再租。（同居生活點？）都OK，因為大家都唔系難相處嘅人，大家都好就得人，佢冇乜要求，我又冇所謂。

（有冇爭拗？）冇情侶系冇爭拗，大家有咩事都會講出嚟，唔會鬧交。（佢嫁得過？）向來都系以結婚為大前提先拍拖，都有討論過結婚話題，但依家咁時世咁混亂，唔想計劃住，結婚系開心事，唔會隱瞞。」

另外，湯靚表示將到澳洲工作半個月，笑言男友可能覺得很自由及開心，但直言原本想過2人一齊同行。講到父親湯鎮宗受訪時建議她離巢，她解釋：「佢唔系叫我離巢，佢想我邊度都去發展嚇，好似公司都安排同事北上工作，我嚟緊都去澳洲做嘢，唔一定要離開公司，而且我同公司嘅約仲未完。

（你想返內地發展？）邊度有商機都想去，去邊都冇所謂，以香港為基地，邊度有工作就去邊。（要同男友分隔異地？）可能佢北上發展先過我呢！」

星島網：湯洛雯自認易相處 跟馬國明同居未試過嗌交

湯洛雯（靚湯）今日到馬鞍山出席主題活動，久未露面的她透露早前拍完劇後，因胃炎而休息1個月。靚湯月尾便會到澳洲工作，她笑指可能男友馬國明會覺得好開心好自由，但又自爆對方本來想跟她一起去，但因隔離及工作問題而擱置。

提到與馬明同居，靚湯解釋早前因疫情嚴重，怕開工後有機會被感染後傳給家人，所以兩人在將軍澳租屋，現在疫情緩和後大家都經常各自返家，故之後應該都不會繼續租住。

兩人同居生活如何？靚湯說：「都OK嘅，兩個都唔係難相處嘅人，我哋都係比較就得對方嘅人，加上佢唔係特別好多要求、我又冇乜所謂，（冇嗌交？）當然都有少少，都係好小事，我哋有咩都會講，唔會變嗌交。」

馬明是否嫁得過？靚湯變得突然怕丑說：「大前提都係嫁得過先拍拖，（有冇傾結婚？）有討論過，但都係果句，我哋有就會公布，始終而家比較混亂，都唔想plan任何嘢住。」

與TVB合約仍有一段時間

對於爸爸湯鎮宗早前接受內地傳媒訪問詩，鼓勵靚湯離巢往外闖，靚湯指自己沒有看過該訪問，但她認為爸爸意思是希望她能作多方面發展：「我都仲有一段時間喺公司，仲有約。」

問到是否想到內地發展？她說：「邊度有商機就去邊度，（咁要同馬明分開）可能佢返去先呢，呢個商機似乎佢多啲，當然去邊度都冇乜所謂，外國有工作當然非常之歡迎，最好係我哋可以一齊去工作一齊去旅行，又可以寓工作於娛樂。」