明報OL：有個閨密叫祖藍︱胡杏兒爆當年拍劇惜完黃浩然即刻嘔

王祖藍主持的TVB綜藝節目《有個閨密叫祖藍》昨晚（7日）播出第2集。myTV Gold緊接同一晚播出加長版。嘉賓胡杏兒在myTV Gold的加長版中與曾比特以對戰形式合唱《現代愛情故事》，她又額外獻唱歌曲《千言萬語》，並笑指大仔李奕霆（Brendan）曾聽到落淚。

杏兒說︰「老公好鍾意呢首歌。大仔1歲時，我唱過呢首歌畀佢聽，我唱到佢流淚，好似好感動咁，唔知係咪我唱得難聽呢，哈哈！」

「閨密任務之問答環節」中，祖藍和杏兒回顧多年前出唱片時的趣事。祖藍笑指自己當年是「偽林峯」，形象好難頂。他說︰「當年我同林峯同一間唱片公司，我都好奇怪，佢哋整長咗我對腳，又磨咗我啲皮，真係當咗我係林峯咁Sell。」杏兒在煮食環節上煮她最拿手的碗仔翅，笑言有想過退休後賣碗仔翅。

杏兒玩「Truth or Dare」，面對問題「最驚收到邊個TVB藝人朋友嘅電話」時非常頭痛，不知如何回答好。祖藍竟拉李思捷落水︰「有冇討厭嘅人？李思捷嗰啲呢？」杏兒聞言大笑︰「佢唔會打電話畀我﹗」兩人此後不時以好友李思捷做擋箭牌。

被問到「最差一次接吻戲經驗」時，杏兒說︰「我記得係拍《當狗愛上貓》，嗰場戲其實冇乜嘢，但我唔知係個胃唔舒服定點，惜完之後我當場嘔。」杏兒當日這場戲的對手是黃浩然。

談到最不滿意一套劇集，杏兒稱是《衝上雲霄》︰「第一次戲分咁重，我嗰時真係唔知自己做緊乜，因為第一次覺得自己要有角色嘅鋪排，我覺得好迷惘同好驚，所以永遠回望番都覺得自己可以做得更好。」

星島網：有個閨密叫祖藍丨胡杏兒被指「牛」性甚重 自爆拍劇錫完黃浩然即嘔

由王祖藍擔任主持、一連八集的全新綜藝節目《有個閨密叫祖藍》，第二集嘉賓胡杏兒除了例牌與主持祖藍大玩「閨密快問快答」，祖藍讚不絕口直指杏兒「牛」性甚重：「佢好勤力、好顧家、好錫老公、好錫小朋友。佢都話辛苦，就真係好辛苦㗎喇。」

唱完歌仔杏兒與祖藍轉戰廚房陣地，杏兒煮碗仔翅，祖藍主攻咖哩魚蛋，祖藍對杏兒手勢讚口不絕，對此杏兒笑言有想過退休後賣碗仔翅，祖藍聞言即舉腳贊成。

二人邊食邊玩「Truth or Dare」，並先後面對製作組設計的一連串刁鑽問題，例如「最驚收到邊個TVB藝人朋友嘅電話」等。

對於要拉朋友落水，杏兒相當頭痛，此時祖藍竟想到拉「負評王」李思捷落水，謂「有冇討厭嘅人……李思捷嗰啲呢。」

問到「最差一次接吻戲經驗」時，杏兒苦思良久後竟想到超爆笑陳年經歷謂：「我記得係拍《當狗愛上貓》嗰場戲，其實冇乜嘢，但我唔知係個胃唔舒服定點。

錫完之後我當場嘔。」之後，談到最不滿意一套劇集時，杏兒直認：「好多都唔滿意，但最唔滿意《衝上雲霄》，因為算係第一次戲份咁重，我嗰時真係唔知自己做緊乜。」