明報OL：思家大戰｜吳偉豪率高顏值3兄弟現身 吳父爆生靚仔秘技

由李思捷主持的《思家大戰》第二集嘉賓，邀得黃美棋率領的「哈比女團」隊，及吳偉豪（Ricco）父親吳大強率領的「各位觀眾 吳條煙」隊；「哈比女團」隊成員有鄺潔楹（Judy）、「波波」黃婧靈、「瑜伽女神」杜穎珊（Sandy）及陳欣茵（Sonya）；

「各位觀眾 吳條煙」隊成員有Ricco及其大哥吳偉諾、二哥吳偉言、細佬吳偉傑，兩隊可能是《思家大戰》開播以來最強「身高差」。雖然5大哈比囡囡人仔細細，但勝在聲大大，全程High爆勁嘈，以「音波功」強攻吳家猛男。

吳爸爸自爆今次參賽是他親自上網填表報名。事緣吳父本身是《Family Feud》忠實粉絲，追看了40多年；如今願望成真，更能吳家全男班總動員參賽，自然開心莫名。

文章來源：TVB資訊台 W博：@香港TVB資訊台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

Ricco身為TVB同事，竟然要勞動爸爸填Form才「被報名」參加，遭思捷直指「好唔識Do」！眼見吳家4位公子高大靚仔，思捷亦趁機向吳父取經，試探生靚仔技巧，怕丑仔Ricco聽到吳父分享秘技時，更一味傻笑。

波波搞笑自稱「智慧波」：「因為我冇，所以喺個名加番啲智慧。」可惜講完唔夠10秒即估錯答案，要一洗長年「老鼠屎」污名仍有難度。是集最惹爭議問題為「冇搭飛機咁耐，最掛住飛機上嘅咩？」

Judy搶答「機長廣播」，思捷聽完不看好說：「咁貴買張機票聽段廣播，我講畀你聽咪得囉。」語畢「Captain Lee」上身以Sexy English「廣播」，冧到一班囡囡尖叫，思捷更豪言：「如果（Judy）中嘅，我畀番一皮你！」豈料「一語成讖」，遭5女爭住叫「磅水」，場面爆笑。