丁子朗选港男前系四眼宅男！认有女艺人投怀送抱

丁子朗曾为《尚气》试镜 认有女艺人投怀送抱

2016年参选港男入行的丁子朗，近年主持拍剧工作不断，但他竟然话完全唔觉得自己靓仔他担任林柏希主持的《月倾会》嘉宾时表示：“我以前真系好平凡，戴眼镜好薯仔，的确渠（TVB）签我返嚟都话唔好睇，纯粹贪我个样够亲切，似隔离师奶个仔！”

依家最大目标，丁子朗话最想做到受观众认同慨男一，“其实唔同范畴都想试下，《尚气》我之前都cast过㗎！我最后睇返Simu Liu（刘思慕）个访问，渠讲返渠cast嗰段戏，段对白系exactly我讲过，原来我同渠cast慨一模一样！嗰阵时喺美国啦、北京上海香港都有揾人去cast，1000个揾一个去！”

讲到爱情生活，25岁丁子朗话由18岁初恋开始，至今拍过三次拖，佢话自己唔算系一个称职男友，“我依家25岁啫，三次（拖）都算差唔多啦！我觉得自己当然唔系一个称职男友啦，衰在时间上同埋心机上！”渠搞笑咁话，“我比较prefer圈外人，因为我觉得圈内人成日大家都知道大家啲通告，好似冇乜privacy，哈哈哈！”

至于绯闻女友林宣妤，渠就话：“都系一个好朋友慨阶段，大家都系好好认识慨！”

成日晒肌，深得同志欢心慨丁丁，坦言话收过唔少裸照！

“大家对肉体慨追求比较多啲啦，有啲朋友会将渠自己慨身体，影完相之后send俾我睇，有啲直情可能系跨性别人士都会㗎！坦白讲，我系好多谢大家钟意我支持我，但系我都劝喻大家，唔好将自己慨nudity send俾人啦，珍惜自己身体！”

问渠如果开拍BL剧，想揾边个做对手？

丁子朗好快有答案：“古天乐啰，《大叔的爱》咁样，哈哈哈，古天乐都真系几好呀，渠由后生靓到依家，青靓白净又系靓仔，到依家古铜色皮肤又系靓仔，真系冇得输！我都想做佢咁样，我希望自己第时老咗之后都可以，唔系，系年纪大咗少少之后，都可以成为古天乐！”

他承认有圈中女艺人主动追求，而他亦有过心仪对象，丁子朗说：“拍剧时候，长期相处实会有一啲感情出现慨！（边套剧？）边套就你自己谂啦，拍剧对象啦！”

可惜最后未能成功，而丁子朗就透露这位曾经追过的女拍档，至今只合作过一次！

入行6年，丁子朗最感挫败一次，是跟阿姐汪明荃做一个粤剧颁奖礼的司仪，由于自己不停NG，要全世界等他一个，令他一额汗：“我直头谂紧我系咪啱做司仪，但阿姐好好，佢话你唔得我帮你讲埋佢啦，我真系喊出嚟！”

戥好兄弟余德丞离巢开心

对于好兄弟余德丞离巢TVB，丁子朗亦戥对方开心：“我觉得系正，但系唔会系少只香炉少只鬼！正慨原因，系我好戥渠开心，因为我知道渠系好想睇呢个世界，大家都见到渠慨发展系非常之好！”

最后他预告将在《法证先锋V》饰演一个沉默的法医，他自言好喜欢这个角色。