罗子溢38岁生日陪子女玩水庆生！杨茜尧祝贺老公愈来愈型仔

星岛网：罗子溢38岁生日陪子女玩水庆生 杨茜尧祝贺老公愈来愈型仔

杨茜尧（前名杨怡）与老公罗子溢（前名罗仲谦）结婚5年，前年4月诞下爱女小珍珠，去年12月诞下幼子，凑成一个“好”字，夫妻生活美满，不时喺IG分享与一对子女慨生活日常。

昨天系罗子溢38岁牛一，仲系19年一遇，新旧历同一日，罗仲谦分享两公婆陪年幼子女玩水慨温馨庆生图片，留言“快乐就系咁简单。”

相中两公婆喺私家花园内为两小姐弟搭建咗个私人泳池，杨茜尧租住慨大埔豪华别墅式屋苑，附设慨寛敞私人花园亦意外曝光。

充气恐龙泳池系淘宝货

喺单亲家庭长大慨罗子溢自从与杨茜尧结婚后，无时无刻都以家庭为重，就算生日都以子女行先，炎炎夏日，就喺私家花园内搭建咗个私人泳池，同一对宝贝子女嬉水庆生。

池边除咗有波波外，仲有恐龙公仔，置身其中啱晒小朋友，重点系唔使出去同人迫。

不过，竟有眼利网民留意到，放置后面位置慨恐龙游玩中心，其实只系600蚊“人仔”就有交易慨淘宝货，可见两公婆即使住得有几豪，也懂得知悭识俭。

对于老公生日，杨茜尧留言，happy birthday，我家大人细路祝你身体健康，一直一直咁靓仔，一直一直咁有型，一直一直咁开心，sweet到爆。

罗子溢“双牛一”乐做凑仔公杨茜尧卖口乖：我家大人！

艺人罗子溢系廿四孝老公兼好爸爸，自从太太杨茜尧为佢诞下一对仔女后，佢除落力揾奶粉钱外，公余时间就全部畀晒仔女，连昨日（28日）佢38岁生日，仲要系机会难得西历同旧历生日撞正同一日慨“双牛一”大日子，佢都继续乐于做凑仔公，一家四口玩水中度过，凡事以小朋友行先，认真伟大。

佢留言笑指：“今日系咩日子呢？家庭乐慨日子，炎炎夏日最好慨娱乐，快乐就系咁简单，旧历新历同一日，19年一遇。”老婆杨茜尧即送上祝福：“Happy birthday 我家大人！祝你身体健康，一直一直咁靓仔，一直一直咁有型，一直一直咁开心！”

罗子溢接受东网访问，透露拍毕《婚后事》后至年尾先再开剧，刚过完生日，就即为囡囡“小珍珠”开学做足准备，添置白波鞋等上学物品。

佢表示：“其实咁大个人，依家生日简简单单过就算，主要都系凑仔凑女紧要啲，因为佢哋大得好快，生日愿望最想仔女开开心心、健健康康、听教听话。”

佢又指现时为仔女成长问题感烦恼，阿仔唔肯瞓，阿女就唔愿食，吸收唔到足够营养，所以要多陪囡囡放电，希望佢更有胃口进食，笑言陪玩仲忙过返工，又庆幸能有时间能与仔女朝夕相处，不错过其成长慨珍贵时刻。