90歲慨胡楓（修哥）日前到音樂總監杜自持家中，為演出《修哥90迎金秋無限楓騷演唱會》操歌，杜自持形容修哥系一位好好湊慨大BB，修哥唔止可愛，仲相當醒目。

當《頭條娛樂》記者追問神隱契女林憶蓮芳蹤時？他秒回：「我都唔知呀！總之喺外埠啦。」

再叫修哥補啲行路Shot以表達渠慨養生方法，渠笑笑口指記者貪心，仲推記者快啲走，可愛到暈。

採訪：方騫平攝影：鄧國良

縱橫演藝圈70載的胡楓將於中秋節下午(9月10日)喺紅館舉行一場《修哥90迎金秋無限楓騷演唱會2022》，為力撐修哥第5次踏上紅館，今次破天荒有21間主辦單位參與，有80位嘉賓支持。

文章來源：TVB資訊台 W博：@香港TVB資訊台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

部份會以飲宴形式坐上舞台，修哥一家亦總動員出動。當日修哥到杜自持家中作客練歌，後者好佩服呢位老人家，練足3粒鍾完全冇坐過。修哥帶點牙擦擦說：「系呀，我反而驚渠(杜自持)會攰，渠會有壓力。」

他更表示演出時唔使靠字幕機提示歌詞：「作為觀眾慨余安安都留意到我唔使靠睇『芒』，我啲記憶力好好㗎！」修哥笑住指向記者說：「所以唔好得罪我呀。」

叫憶蓮唔好收山

修哥事先張揚會演繹30首歌，提到之前TVB為修哥賀壽舉行的《人生90好楓Show》，神隱好耐的林憶蓮罕見露面，拍片向修哥送上祝福，片中見她戴住黑框眼鏡，頭髮束起，完全歸於平淡。

記者追問修哥，會否請埋行蹤神秘的憶蓮現身舞台？修哥就醒目地迴避並反問：「渠喺外埠點到呀？」反而在旁的杜自持搶答指憶蓮身處英國，但修哥繼續口密：「哈！我都唔知呀！總之喺外埠。」

及後修哥再講多啲：「渠同個女(李喜兒)一齊，不知幾舒服同安樂，渠最重要就系個女。佢個人好內斂，唔開心嘢又唔講，開心嘢又唔講，不過，渠唱得咁好，如果佢唔再開演唱會就好嘥喇，千祈唔好。」

為太太戒打麻將

杜太特地為修哥煲花膠雞湯，補嚇腳骨力，修哥邊飲湯邊口花花：「我從未食過花膠㗎，系因為你，我先有得食！阿嫂煲得好好，就算唔好飲都唔好意思講出口啦…哈…」

修哥堅持人生就系要搞嚇笑：「家我好開心，有埋曾孫幾好，當然亦會有啲遺憾，就系我太太唔喺度，但個個朋友都對我好好，疫情期間送飯、送點心過嚟，唔使我周圍去。」

家修哥日日行路養生，就算喺屋企都會唱住歌嚟行：「唱歌系會令人長壽，我啲記憶力都系咁練返嚟，好似今日突然諗起唱張學友慨《楚哥》。」語畢仲唱返兩句。

另外，修哥唔靠打牌鍛練腦力：「戒咗20年啦，當年有晚返到屋企，見到太太一個人喺度睇電視，覺得佢好寂寞要陪渠多啲，自此再冇打牌。」修哥堅持家一定要令自己開心：「都活咗大半世人仲唔去開心？都差唔多啦。」